- ءبىز 2018 جىلعى قاتەلىكتىڭ قايتالانۋىنا جول بەرمەۋىمىز كەرەك. ول كەزدە مىڭ جارىم ءۇي جارامسىز كۇيگە ءتۇسىپ, جولدار ب ۇلىنگەن, ءۇش مىڭنان استام ادام ەۆاكۋتسيالانعان. پروكۋراتۋرا قىلمىستىق ءىس قوزعاپ, وزدەرىڭىز بىلەتىندەي, كىنالىلەر جاۋاپكەرشىلىككە تارتىلعان,- دەدى قۇسايىن يگەمباەۆ.
قالا اكىمى ەرماك ءسالىموۆتىڭ ايتۋىنشا, ۇستىمىزدەگى جىلى سۋ تاسقىنىنىڭ الدىن الۋ شارالارىنا 944, 5 ملن تەڭگە قاراستىرىلعان. تۇرعىن ءۇي كوممۋنالدىق شارۋاشىلىق بولىمىندە سۋ جىبەرۋ كانالدارىن اعىمداعى جوندەۋ مەن كۇتىپ ۇستاۋعا 46 ميلليون تەڭگەدەن استام قاراجات قاراستىرىلعان. سەمەي وڭىرىندە سۋ جىبەرۋ كانالدارىنىڭ ۇزىندىعى 62 شاقىرىمدى قۇرايدى.
- بۇگىنگى كۇنى ارىقتاردىڭ بارلىعى تازارتىلدى, جۇمىس شتاتتىق رەجيمدە جۇرۋدە. جاعالاۋدى بەكىتۋ جۇمىسىنىڭ جوبالاۋ-سمەتالىق قۇجاتى جاسالدى. جوبا ەكسپەرتيزاعا جىبەرىلدى, قاراجات ءبولىندى, 25 ماۋسىمعا جوبانىڭ بەكۋىن كۇتۋدەمىز. سەمەيدىڭ كەشەندى دامۋ جوسپارى اياسىندا جوبا ىسكە اسا باستايدى. سۋ باسۋ قاۋپىن بولدىرماۋ ماقساتىندا شارالار قولعا الىندى. جەكە سەكتورلاردان قار شىعارىلدى. بۇگىنگى كۇنى جەكە سەكتوردىڭ 55 كوشەسىنەن 300 مىڭ شارشى مەتر قار شىعارىلدى. قالعان 5 كوشەنى ناۋرىزدىڭ 20 دەيىن شىعارامىز دەپ جوسپارلاپ وتىرمىز,- دەدى ەرماك ءسالىموۆ. سونىمەن بىرگە قالا اكىمى 18 ناۋرىز كۇنى ميرنىي كەنتى اۋماعىندا مۇز جارۋ جۇمىسى باستالاتىنىن اتاپ ءوتتى.
سەمەي
