پرەزيدەنت • 10 ناۋرىز، 2020

قاسىم-جومارت توقاەۆ پرەزيدەنتتىڭ اۋعانستان بويىنشا ارنايى وكىلىن قابىلدادى

66 رەتكورسەتىلدى

مەملەكەت باسشىسى اۋعان پروتسەسىن رەتتەۋ جۇمىستارىن جانداندىرۋدى ەسكەرە وتىرىپ، اۋعانستان بويىنشا ارنايى وكىلدىڭ ءتيىمدى قىزمەتىنىڭ ماڭىزدىلىعىن اتاپ ءوتتى. پرەزيدەنتتىڭ پىكىرىنشە، اتالعان ەلدە بەرىك بەيبىتشىلىك ورناتۋ ماسەلەسى قازاقستاننىڭ ۇزاق مەرزىمدى ۇلتتىق مۇددەسىمەن ساي كەلەدى. سونىمەن قاتار ورتالىق ازيادا تۇراقتىلىق پەن قاۋىپسىزدىكتى نىعايتۋعا ىقپال ەتەدى. بۇل تۋرالى اقوردانىڭ ءباسپاسوز قىزمەتى حابارلادى.

– اقش پەن «تاليبان» قوزعالىسى وكىلدەرىنىڭ اراسىنداعى كەلىسىمنەن كەيىن اۋعانستانعا قاتىستى گەوساياسي جاعداي جاڭا كەزەڭگە اياق باستى. اۋعانستان مەن ونىڭ توڭىرەگىندەگى قازىرگى ۇردىستەردىڭ قارقىنىن ءجىتى باقىلاپ، بۇل ەلدەگى ۇلتتىق كەلىسىم مەن قايتا قالپىنا كەلتىرۋ پروتسەسىنە كومەكتەسۋ كەرەك، – دەدى قاسىم-جومارت توقاەۆ.

قازاقستان پرەزيدەنتى ارنايى وكىلگە اۋعان پروبلەماسى بويىنشا ەكىجاقتى فورماتتا جانە كوپجاقتى كەلىسسوزدەر مەحانيزمدەرى اياسىندا شەتەلدىك سەرىكتەستىكتەرمەن بىرلەسە وتىرىپ، تىعىز جۇمىس ىستەۋدى تاپسىردى. بۇل تەرروريزم، ەكسترەميزم، زاڭسىز ميگراتسيا جانە ەسىرتكى تاسىمالى سياقتى قاۋىپ-قاتەرلەرگە قارسى كۇرەس تۇرعىسىنان العاندا دا ماڭىزدى سانالادى.

مەملەكەت باسشىسى قازاقستاننىڭ اۋعان باعىتىنداعى ساۋدا-ەكونوميكالىق ماقساتتارىن مەيلىنشە بەلسەندى تۇردە ىسكە اسىرۋ كەرەك ەكەنىن اتاپ ايتتى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار