تۇرعىن ءۇي قۇرىلىسى قارقىندى ءجۇرىپ جاتقان قالادا جىل سوڭىنا دەيىن 7 قاباتتى 24 تۇرعىن ءۇي قۇرىلىسى اياقتالىپ, 1452 پاتەر يەلەرى قونىس تويىن تويلايتىن بولادى. وبلىس اكىمى ومىرزاق شوكەەۆ تۇركىستاندىقتاردىڭ قۋانىشىنا ورتاقتاسىپ, حالىقارالىق ايەلدەر كۇنى قارساڭىندا باسپانالى بولعان نازىك جاندارعا پاتەر كىلتتەرىن تابىس ەتتى.
بۇل كۇنى قۇقىق قورعاۋ سالاسىنىڭ وكىلدەرى, اسكەري قىزمەتشىلەر, دەنساۋلىق, ءبىلىم, مادەنيەت, الەۋمەتتىك سالا قىزمەتكەرلەرى, تۇرمىس جاعدايى تومەن وتباسىلار جاڭا قونىس يەلەرى اتاندى. ءوڭىر باسشىسى ايەلدەردى 8 ناۋرىز مەرەكەسىمەن قۇتتىقتاپ, ءار وتباسىعا باياندى باقىت تىلەدى. «وبلىس كولەمىندە ءاربىر مەرەكە قارساڭىندا جاڭا نىسانداردى پايدالانۋعا بەرۋ, حالىققا پاتەر كىلتىن تابىستاۋ سەكىلدى يگى شارالار داستۇرگە اينالدى. مەملەكەت قامقورلىعىنىڭ ارقاسىندا, بۇگىن دە قانشاما شاڭىراق شاتتىققا بولەنىپ وتىر. قىزمەت بابىمەن جاڭا وبلىس ورتالىعىنا كوشىپ كەلىپ, ءوڭىردىڭ ءوسىپ-وركەندەۋىنە ۇلەس قوسىپ جۇرگەن وزدەرىڭىزگە ىقىلاسىمىز ەرەكشە. بارشاڭىزدى شىن جۇرەكتەن قۇتتىقتاي وتىرىپ, جاڭا باسپانا سىزدەرگە باقىت اكەلسىن دەپ تىلەيمىن», دەدى وبلىس اكىمى.
سونداي-اق ومىرزاق ەستاي ۇلى جاڭا قونىس يەلەرىنىڭ شاڭىراعىندا بولىپ, داستارحاننان ءدام تاتتى.
تۇركىستان وبلىسى
