قازاقستان • 06 ناۋرىز، 2020

الماتىدا قارجى نارىعى توپ-مەنەدجەرلەرىنىڭ ءسامميتى ءوتتى

50 رەت كورسەتىلدى

الماتىدا قارجى نارىعى توپ-مەنەدجەرلەرىنىڭ VII CFO IDEA EXCHANGE & NETWORKING EVENT-2020 جىل سايىنعى ءسامميتى ءوتتى. CFO Summit-2020 ءوز الاڭىندا بەلگىلى قارجىگەرلەر مەن ساياساتكەرلەردىڭ، ءىرى وتاندىق جانە حالىقارالىق كومپانيالاردىڭ جەتەكشى ساراپشىلارى مەن مەنەدجەرلەرىن توعىستىردى.

سامميت اياسىندا قازاقستان رەسپۋبليكاسى قارجى جۇيەسىن دامىتۋ كەلەشەگى، سوڭعى وزگەرىستەر، ترەندتەر مەن يننوۆاتسيالار، سونداي-اق، الەمدىك ەكونوميكانىڭ وزەكتى ماسەلەلەرى قوزعالدى.

قارجىلىق قىزمەتتەردى كورسەتەتىن ۇيىمداردىڭ الداعى ون جىلدا تابىسقا جەتۋى ولاردىڭ زاماناۋي يننوۆاتسيالىق تەحنولوگيالار كومەگىمەن «قاراپايىم بيزنەستى» قانشالىقتى ءتيىمدى تۇردە جاڭعىرتا بىلۋىنە تاۋەلدى بولماق.

ەڭ قىزۋ پىكىرتالاسقا الماسۋعا تۇرتكى بولعان  «ERP بولاشاعى» پانەلدىك وتىرىسىندا ERP جۇيەسىنىڭ (كومپانيا قورلارىن باسقارۋ جۇيەسى) ۇتىمدى جانە ءتيىمسىز تۇستارى كەڭىنەن تالقىلاندى. اتالمىش جۇيەنى تابىستى تۇردە قولدانعان كەزدە بيزنەستى باسقارۋ تيىمدىلىگى ارتىپ، ونىڭ باسەكەگە قابىلەتتىلىگى جوعارىلايدى.

سامميت كەزىندە سپيكەرلەردىڭ ءبىرى رەتىندە مايكروسوفت قازاقستان باس ديرەكتورى تيبور كولەياك ءسوز سويلەدى.

ءوزىنىڭ تانىستىرىلىمىندا ول مايكروسوفتتىڭ جاساندى ينتەللەكتىسىنىڭ كومەگىمەن بيزنەستىڭ قالاي تۇبەگەيلى وزگەرىستەن ءوتىپ جاتقاندىعىن كورنەكى تۇردە كورسەتىپ، دەرەكتەردى باسقارۋ جانە كومپانيانىڭ قىزمەتى مەن تيىمدىلىگىن جاقسارتۋ ءۇشىن وسى دەرەكتەردى تالداۋ ناتيجەلەرىن ارى قاراي قولدانۋ ماسەلەسىن تەرەڭىرەك اشىپ بەردى.

«جاساندى ينتەللەكتىنىڭ ماقساتى بانكيرلەردىڭ ورنىن اۋىستىرۋ ەمەس، ول بانكتەردىڭ جىلدام قىزمەت ەتىپ، دەرەكتەرگە نەگىزدەلگەن سىندارلى شەشىمدەردى قابىلداۋىنا كومەكتەسۋ ارقىلى بانكتەردىڭ جۇمىسىن وڭتايلاندىراتىن بولادى. مايكروسوفت قاۋىپسىزدىككە، ايقىندىلىققا جانە نورماتيۆتىك تالاپتاردىڭ ساقتالۋىنا ينۆەستيتسيا قۇيادى. بۇل قارجى سەكتورىنىڭ ويىنشىلارىنا بۇكىل الەم بويىنشا بيزنەس جۇرگىزۋ كەزىندە جاڭا شەشىمدەردى قىزمەتكە ەندىرىپ، وسىلايشا باسەكەگە قابىلەتتىلىگىن ساقتاۋعا جاعداي جاسايدى»، – دەدى مايكروسوفت قازاقستان باس ديرەكتورى تيبور كولەياك.

قازىرگى تاڭدا جاساندى ينتەللەكت تەحنولوگيالارى قارجى سەكتورىن تسيفرلىك تۇرعىدا جاڭعىرتۋدا ۇلكەن ءرول وينايدى. زاماناۋي يننوۆاتسيالار كومپانيالارعا جاڭا ەكوجۇيە اياسىندا وركەندەپ، باسەكەگە قابىلەتتى بولىپ قالۋعا كومەكتەسەدى، ال زياتكەرلىك اگەنتتەردى، زاماناۋي قوسىمشالار مەن ماشينالىق وقىتۋدى ۇيلەستىرۋ ارقاسىندا بانكتەر دەرەكتەردى پارمەندى يدەيالارعا اينالدىرا الادى. جاساندى ينتەللەكت ارقىلى ءتۇسۋى مۇمكىن دەپ بولجانعان قوسىمشا تابىس1،2 تريلليون دوللارعا دەيىن جەتپەك.

كليەنتتەرمەن جۇمىس جۇرگىزۋدىڭ ءداستۇرلى تاسىلدەمەلەرى كليەنتتەردىڭ بانك قىزمەتتەرىنە دەگەن قىزىعۋشىلىعىن باسەڭدەتىپ، بايلانىس ۇزۋىنە اكەلىپ سوقتى. مايكروسوفتىڭ قارجىلىق ۇيىمدارعا ۇسىنىپ وتىرعان ءارتۇرلى قوسىمشالارى كليەنتتەرگە ىڭعايلى ۋاقىتتا جانە دۇرىس كوممۋنيكاتسيا ارناسى ارقىلى ولاردىڭ جەكە قاجەتتىلىكتەرىنە ساي كەلەتىن ونىمدەر مەن قىزمەتتەردى ۇسىنا وتىرىپ، قىزمەت كورسەتۋ ساپاسىن ايتارلىقتاي جاقسارتۋعا مۇمكىندىك بەرەدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار