قوعام • 05 ناۋرىز، 2020

مەملەكەتتىك قىزمەتتەگى ايەلدەردىڭ ۇلەسى قانداي؟

35 رەتكورسەتىلدى

مەملەكەتتىك قىزمەت ىستەرى اگەنتتىگىندە مەملەكەتتىك قىزمەت سالاسىنداعى گەندەرلىك تەڭدىكتىڭ ساقتالۋى، ساياسي قىزمەتشىلەر مەن مەملەكەتتىك ورگانداردىڭ ءبىرىنشى باسشىلارىنىڭ باعىنىستاعى قىزمەتشىلەرىنىڭ سىبايلاس جەمقورلىققا قاتىستى قىلمىستارى ءۇشىن جاۋاپكەرشىلىگى ماسەلەلەرىنە قاتىستى ءباسپاسوز ءماسليحاتى ءوتتى.

مەملەكەتتىك قىزمەت ىستەرى اگەنتتىگىنىڭ مەملەكەتتىك قىز­مەت دەپارتامەنتى ديرەك­تورى­نىڭ ورىنباسارى دۋمان ابى­لەۆ مەملەكەتتىك قىزمەتتە باسقا­رۋشى لاۋازىمداردا 9،5 مىڭنان استام ايەل قىزمەت ەتەتىنىن ما­لىم­دەدى. بۇل باسشىلاردىڭ جال­پى سانى­نىڭ 40%-ىن قۇرايدى.

اتاپ ايتار بولساق، مينيستر­لەردىڭ ورىنباسارلارى 14،3%، ءوڭىر اكىمدەرىنىڭ ورىنباسارلارى 7،1%، ورتالىق مەملەكەتتىك ورگان­داردىڭ كوميتەتتەرى تور­ا­عا­لارىنىڭ ورىنباسارلارى مەن دە­پارتامەنتتەردىڭ ديرەك­تور­لارى 29،2%، ورتالىق مەملە­­كەت­تىك ورگانداردىڭ اۋماق­تىق بولىمشەلەرىنىڭ باسشىلارى 12،8%، وبلىستىق باسقار­مالاردىڭ باسشىلارى – 15،3%، قالا جانە اۋدان اكىمدەرىنىڭ ورىنباسارلارى 15،1%-دى قۇرايدى.

اگەنتتىك كونكۋرستىق را­سىم­دەردىڭ اشىقتىعىن قامتاماسىز ەتۋ ءۇشىن جۇيەلى جانە جوسپار­لى جۇمىس جۇرگىزەدى. «بۇل مەم­­لەكەتتىك قىزمەتكە ورنا­لا­سۋعا تەڭ مۇمكىندىك جاساۋ­دىڭ ما­ڭىز­دى شارتى. كانديدات­تاردان كونكۋرستىق كوميسسيا­نىڭ شە­شىمىنە شاعىم تۇسكەن جاع­دايدا زاڭنامانىڭ ساقتا­لۋى تۇرعىسىنان تەكسەرۋ تاعاي­ىندا­لادى»، دەيدى د.ابىلەۆ.

2019 جىلى جۇرگىزىلگەن كون­كۋرستارعا 52 144 ادام قاتىسقان، بۇل رەتتە مەملەكەتتىك قىزمەتكە ورنالاسۋعا نيەت بىلدىرگەندەردىڭ 24 028-ءى – ايەلدەر. كونكۋرس نا­تي­جەسىندە تاعايىندالعان ايەل­دەردىڭ ۇلەسى – 46،2 % (22 520-دان 10 397).

مەملەكەتتىك قىزمەتشىلەردى دايارلاۋ، قايتا دايارلاۋ جانە بىلىك­تىلىكتى ارتتىرۋ بارىسىندا گەن­دەرلىك تاقىرىپقا نازار اۋ­دارىلادى. مىسالى، مەملە­كەتتىك ورگانداردىڭ كادرلار بو­لىمدەرىنىڭ باسشىلارىن وقى­تۋ جۇيەسىنە حالىقارالىق وڭ تاجى­ريبە نەگىزىندە ازىرلەنگەن جۇمىس پەن وتباسىن بايلانىستىرۋ بو­يىنشا تاقىرىپتىق ساباقتار ەنگىزىلدى. 

مەملەكەتتىك قىزمەت ىستەرى اگەنتتىگىنىڭ مەملەكەتتىك قىز­مەت سالاسىنداعى باقى­لاۋ دەپار­تامەنتىنىڭ ديرەكتورى ەرلان ساپاروۆ «قر مەملەكەتتىك قىز­مەتى تۋرالى» زاڭنىڭ مەملە­كەتتىك قىزمەتشىلەردىڭ  جاۋاپ­تىلىعى ماسەلەسى بويىنشا ەرە­جەلەرى 2019 جىلدىڭ 10 جەلتوق­سانىندا قولدانىسقا ەنگىزىلگەنىن مالىمدەدى.

«وسىلايشا وتستاۆكاعا كەتۋ تۋرالى مىندەت وتكەن جىلدىڭ 10 جەلتوقسانىنان كەيىن سىبايلاس جەمقورلىق قىلمىس جاسا­عان قىزمەتكەرلەردىڭ باسشىلارىنا جانە ساياسي قىزمەتكەرلەرگە قولدانىلادى. مەم­لەكەتتىك سايا­سي قىزمەتشىلەر، ەگەر ولار تا­عايىندالعان كۇننەن باستاپ ءۇش اي وت­كەننەن كەيىن سىبايلاس جەم­قورلىق قىل­مىس جاساعان جاع­دايدا وتستاۆكاعا كەتەدى.قازىرگى تاڭدا پرەزيدەنت اكىم­شىلىگىنىڭ تاپسىرماسى بويىن­شا مەملەكەتتىك قىزمەت ىستە­رى اگەنتتىگى جوعارعى سوت، باس پروكۋراتۋرا جانە سىبايلاس جەم­قورلىققا قارسى ءىس-قيمىل اگەنتتىگىمەن بىرلەسىپ ءتيىستى ءىس-قيمىل الگوريتمىن ازىرلەدى.پرەزيدەنتتىڭ تاپسىرمالارى نەگىزىندە «قازاقستان رەس­پۋب­ليكاسىنىڭ مەملەكەتتىك قىزمەتى تۋرالى» جانە «سىبايلاس جەم­قورلىققا قارسى ءىس-قيمىل تۋرالى» زاڭدارعا ءتيىستى وزگەرىستەر ەن­گىزىلدى»، دەدى مامان.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار