بايقاۋعا سەرىكباي وسپانوۆ, اقىلبەك شاياحمەت سىندى بەلگىلى قالامگەرلەر قازىلىق ەتتى. سايىس قورىتىندىسى بويىنشا ءبىرىنشى ورىندى ارقالىق قالاسىنداعى ش. ءۋاليحانوۆ اتىنداعى №1 ورتا مەكتەپتىڭ 6-سىنىپ وقۋشىسى قاراكوز دالاباي جەڭىپ الدى. ەكىنشى ورىن رۋدنىيدان كەلگەن ب. مايلين اتىنداعى №7 مەكتەپ-گيمنازيانىڭ 8-سىنىپ وقۋشىسى نۇرسيلا ادەبوۆاعا بۇيىردى. ءۇشىنشى ورىندى امانگەلدى اۋدانىنىڭ 6-سىنىپ وقۋشىسى جانتورە تولەباي الدى. بايقاۋ جەڭىمپازدارى مەن ولاردى دايىنداعان ۇستازدار ءبىلىم باسقارماسىنىڭ اقشالاي سىيلىقتارى مەن ماقتاۋ قاعازدارىنا يە بولدى.
ماراباي جىراۋ نۇسقاسىنداعى «قوبىلاندى باتىر» جىرى 132 بەتتەن, 5206 جولدان تۇرادى. مۇنى جاتتاپ, جادىعا توقۋ, ونداعى تۇسىنىكسىز سوزدەر مەن جەر-سۋ اتاۋلارىنا, تاريحي ۇعىم-تۇسىنىكتەرگە ەتنولينگۆيستيكالىق تالداۋ جاساپ, ءتۇسىندىرىپ بەرۋ وڭاي شارۋا ەمەس. وقۋشىلاردىڭ كوبى جوعارى دەڭگەيدە دايىندالىپ كەلگەن. بۇعان دەيىن قوستاناي وبلىسىندا مۇنداي بايقاۋلار بولعان جوق. بيىل تۇڭعىش رەت ۇيىمداستىرىلىپ وتىر. يگى باستاما بۇدان ءارى جالعاسۋى ءتيىس. ويتكەنى بۇل جاس ۇرپاقتىڭ اۋىز ادەبيەتىمىزدىڭ قاينار باستاۋلارىنان تەرەڭ سۋسىنداپ وسۋىنە ىقپال ەتەدى, - دەيدى قازىلار القاسىنىڭ مۇشەسى, اقىن سەرىكباي وسپان ۇلى.
قوستاناي
