ۇلتتىق قوعامدىق سەنىم كەڭەسىنىڭ قۇرامىنا جۇرتشىلىقتىڭ جانە ساراپشىلار قوعامداستىعىنىڭ جاڭا وكىلدەرى قوسىلدى.
اتاپ ايتقاندا, ۇلتتىق كەڭەسكە بەلگىلى قوعام قايراتكەرى, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, اۋعان سوعىسى ارداگەرلەرى ۇيىمدارىنىڭ «قازاقستان ارداگەرلەرى» قاۋىمداستىعىنىڭ توراعاسى باقىتبەك سماعۇل, بەلگىلى زاڭگەر, ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى مارات باشيموۆ, قوعام قايراتكەرى, «مازمۇنداما» قب توراعاسى شىڭعىس مۇقان, قازاقستاننىڭ جاڭارتىلاتىن ەنەرگەتيكا قاۋىمداستىعىنىڭ باس ديرەكتورى ارمان قاشقىنبەكوۆ جانە «تالبەسىك» كوپبالالى انالار قوزعالىسىنىڭ جەتەكشىسى, جۋرناليست ءلاززات قوجاحمەتوۆا, زاڭگەر, «ىزگىلىك ەلشىسى» رەسپۋبليكالىق ەرىكتەلەر قوزعالىسىنىڭ جەتەكشىسى, زاڭگەر اينۇر ءسابيتوۆا كىردى.
ۇلتتىق كەڭەستىڭ قۇرامىنان ە.ءازىموۆا, ا.ساين, ب.پالىمبەتوۆ, ا.شوراەۆ, ب.بۇقارباي, ا.امىرتاەۆ شىعارىلدى.
كەڭەس 2019 جىلعا 12 ماۋسىمدا قۇرىلىپ, ونىڭ العاشقى وتىرىسى 2019 جىلعا 6 قىركۇيەكتە ءوتتى. ۇلتتىق كەڭەستىڭ قۇرامىنا ءارتۇرلى ساياسي پارتيالاردىڭ, قوعامدىق بىرلەستىكتەردىڭ, ۇكىمەتتىك ەمەس ۇيىمداردىڭ, باق وكىلدەرى, بەلگىلى قوعام قايراتكەرلەرى, جەتەكشى قازاقستاندىق ساراپشىلار كىرەدى.
ۇلتتىق قوعامدىق سەنىم كەڭەسىنىڭ ءۇشىنشى وتىرىسى بيىل ءساۋىر ايىندا وتەدى.
