قازاقستان • 03 ناۋرىز، 2020

قازاقستاندا 2،6 مىڭ شاقىرىم جولدا قوزعالىس اشىلادى

1285 رەت كورسەتىلدى

2020 جىلى رەسپۋبليكالىق ماڭىزعا يە جولداردى سالۋ جانە قايتا جاڭارتۋعا قاتىستى جوبالاردى ىسكە اسىرۋعا 400 ملرد. تەڭگەگە جۋىق قاراجات قاراستىرىلعان. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

مەملەكەت باسشىسىنىڭ تاپسىرماسىنا سايكەس بيىل اۆتوموبيل جولدارىنىڭ 2،6 مىڭ شاقىرىمىندا، اتاپ ايتقاندا مىنا جولداردا قوزعالىس اشىلادى دەپ جوسپارلانىپ وتىر.

- «قاراعاندى-بالقاش-قاپشاعاي»

- «اقتوبە-اتىراۋ-استراحان»

- «تالدىقورعان-وسكەمەن»

- «قالباتاۋ-مايقاپشاعاي»

- «مەركى-بۋرىلبايتال»

- ء«ۇشارال-دوستىق»

- «ۇزىناعاش-وتار»

- «كوكشەتاۋ-پەتروپاۆل-قورعان»

- «قوستاناي-دەنيسوۆكا».

جالپى العاندا، اۆتوموبيل جولدارىنىڭ 4 مىڭ شاقىرىمىندا قۇرىلىس جۇمىستارى جۇرگىزىلەدى. رەسپۋبليكالىق جانە جەرگىلىكتى جول جەلىلەرىندەگى جول-قۇرىلىس جۇمىستارىنا 100 مىڭعا تارتا ادام تارتىلماق.

ىسكە اسىرىلىپ جاتقان جوبالار اياسىندا جۇمىسقا جول-قۇرىلىس تەحنيكاسىنىڭ 10 مىڭ بىرلىگى، 77 ۇساقتاۋ قوندىرعسى، 57 بەتون جانە 87 اسفالت-بەتون وندىرەتىن زاۋىت جۇمىلدىرىلعان.

رەسپۋبليكالىق ماڭىزعا يە جولداردىڭ تەحنيكالىق جاعدايىن قالپىنا كەلتىرۋ جانە كۇتىپ ۇستاۋ ءۇشىن اۆتوموبيل جولدارىنىڭ 1،5 مىڭ شاقىرىمى كۇردەلى جانە ورتاشا جوندەۋ جۇمىستارىمەن قامتىلادى. بۇل ماقساتقا 59 ملرد. تەڭگە قاراستىرىلعان.

جولداردى كۇردەلى جوندەۋدەن وتكىزۋ اياسىندا ماڭىزدى جوبالاردى ىسكە اسىرۋ جۇمىستارى جالعاستىرىلادى. ولاردىڭ اراسىندا باتىس قازاقستان وبلىسىنداعى جالپى ۇزىندىعى 280 شاقىرىمدى قۇرايتىن اۆتوجولعا اسفالت-بەتون جابىندىسىن توسەۋ جوباسى بار.

سونىمەن قاتار، بيىل الماتى قالاسى ماڭىنداعى «التىن وردا» بازارى اۋدانىندا اۆتوجول ۋچاسكەسىن كەڭەيتۋ جۇمىستارى اياقتالادى دەپ وتىر.

وسىلايشا، جاقسى جانە قاناعاتتاندىرارلىق جاعدايداعى رەسپۋبليكالىق اۆتوجولدار ۇلەسى بيىل 89% دەيىن جەتكىزىلىپ، ءى جانە ءىى ساناتتاعى جولدار ۇزىندىعى 36% دەيىن ۇلعايتىلماق.

وتكەن جىل قورىتىندىلارىندا اۆتوموبيل جولدارىنىڭ 641 شاقىرىمىندا قوزعالىس اشىلعان بولاتىن. اتاپ ايتقاندا:  

- «تەمىرتاۋ-قاراعاندى-بالقاش-قاپشاعاي»

- «نۇر-سۇلتان-پاۆلودار»

- «پاۆلودار-سەمەي»

- «كوكشەتاۋ - پەتروپاۆل – رف شەكاراسى»

- «بەينەۋ-اقجىگىت»، «تاسكەسكەن-باقتى»

- «ششۋچينسك – زەرەندى»

- «قاندىاعاش-ماقات»

«جەتىباي – جاڭاوزەن» جولدارى.

اۆتوجولدار سالاسىن دامىتۋ اياسىندا بىلتىر رەسپۋبليكالىق جولداردىڭ 4،4 مىڭ شاقىرىمى قۇرىلىس جانە قايتا جاڭارتۋ جۇمىستارىمەن قامتىلىپ، 1،1 مىڭ شاقىرىمى كۇردەلى جانە ورتاشا جوندەۋدەن وتكىزىلدى.

اتالمىش جۇمىستاردىڭ بارلىعى جاقسى جانە قاناعاتتاندىرارلىق جاعدايداعى رەسپۋبليكالىق ماڭىزعا يە اۆتوموبيل جولدار ۇلەسىن 88% دەيىن جەتكىزۋگە مۇمكىندىك بەردى. ءى جانە ءىى ساناتتاعى اۆتوموبيل جولدارىنىڭ ۇزىندىعى 34% دەيىن ارتتىرىلىپ، 8،2 مىڭ شاقىرىمدى قۇرادى.

اقىلى جولدار تۋراسىندا ايتساق،  ەلىمىزدە بۇگىنگى تاڭدا جالپى ۇزىندىعى 682 شاقىرىمدى قۇرايتىن 4 اقىلى جول بار. وتكەن جىلى ولاردان تۇسكەن قاراجات مولشەرى 5،4 ملرد تەڭگەنى قۇرادى. تۇسىمدەر اقىلى جولدار مەن تولەم الۋ جۇيەسىن كۇتىپ ۇستاۋعا جۇمسالادى.

2019 جىلدىڭ جەلتوقسانىندا ينۆەستيتسيالىق كونكۋرس قورىتىندىسى بويىنشا جولداردىڭ 11 مىڭ شاقىرىمىندا تولەم الۋ جۇيەسىن ورناتۋ جانە قىزمەت كورسەتۋ تۋرالى كەلىسىمشارتقا قول قويىلدى. قۇجاتقا سايكەس رەكونسترۋكتسيادان وتكەن اۆتوجولدارىنىڭ 5،7 مىڭ شاقىرىمىندا تولەم الۋ جۇيەسى بيىل ورناتىلادى دەپ جوسپارلانعان.  

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار