ازداپ تۇماۋراتىڭقىراپ قالدىم. دەگەنمەن ساباققا بارۋ كەرەك. مەكتەپكە ۆيرۋستان قورعايتىن بەتپەردەسىز كىرۋگە بولمايدى. ماسكا ىزدەپ تەمىر جول ۆوكزالىنىڭ ماڭىنداعى 4-5 ءدارىحانانى شارلاپ شىقتىم. ەشقايسىنان تاپپادىم, - دەيدى 11 سىنىپ وقۋشىسى بالاۋسا ءجۇنىس.
وبلىستىڭ مەديتسينالىق جانە فارماتسەۆتيكالىق قىزمەتىن باقىلايتىن دەپارتامەنت مامانى ولجاس جيەنباەۆتىڭ ايتۋىنشا, جوعارىدا اتالعان ەكى جەلىلىك اپتەكالار قازىرشە قالا تۇرعىندارىن مەديتسينالىق ماسكامەن تولىق قامتاماسىز ەتە الادى. ال وزگە دارىحانالارعا قاشان جەتكىزىلەتىنى بەلگىسىز. ونى تاسىمالداۋشىلار دا تاپ باسىپ ايتا الماي وتىر.
ءبىز بايماعامبەتوۆ كوشەسىندەگى 68-ۇيدە ورنالاسقان «فارماكوم» ءدارىحاناسىنا باس سۇعىپ, 20 ماسكا سۇرادىق. ساتۋشى بەسەۋدەن ارتىق ساتىلمايتىنىن ايتتى. قازىر ماسكانى كوپتەپ الىپ, ونى قىمبات باعاعا باسقا جاققا جونەلتىپ جاتقان الىپ-ساتارلار كوبەيىپ كەتتى. ءبىر ادامعا بەسەۋدەن ارتىق ساتىلماۋ سەبەبى – وسى. ءبىر پىسىق كەلىپ بارلىق ماسكانى الىپ كەتسە, قالعان جۇرت نە ىستەيدى؟ – دەدى «فارماكوم» فيليالىنىڭ ديرەكتورى گالينا كاچينا.
مەديتسينالىق ماسكالار «فارماكوم» ءدارىحانالارىندا 50 تەڭگە, «تسۆەتنايا» ءدارىحانالارىندا 25 تەڭگە تۇرادى.
قوستاناي
