«ۇجىمدىق شارت – بۇل كومپانيانىڭ الەۋمەتتىك ساياساتىنىڭ نەگىزى. 2016 جىلعى جەلتوقساندا قول قويىلعان بۇرىنعى ۇجىمدىق شارت ءوز قولدانىسىن اياقتادى. شارتتىڭ جاڭا رەداكتسياسى الدىڭعى جىلمەن سالىستىرعاندا جاڭارتىلدى. بۇعان كومپانيانىڭ وندىرىستىك بولىمشەلەرىنىڭ ەڭبەك ۇجىمدارى بەرگەن ۇسىنىستارى ىقپال ەتتى», دەپ اتاپ ءوتتى «قازترانسويل» اق-نىڭ باس ديرەكتورى ديماش دوسانوۆ.
«قازترانسويل» اق قازاقستاننىڭ 11 وڭىرىندە جۇمىس ىستەيدى. كومپانيانىڭ جۇمىسكەرلەرى – جوعارى باسەكەلەستىك پوزيتسيالاردى قامتاماسىز ەتەتىن نەگىزگى ستراتەگيالىق كاپيتال. سوندىقتان ەڭبەك جاعدايلارىن, سىياقى جانە ىنتالاندىرۋ جۇيەسىن ۇنەمى جەتىلدىرۋ, سونداي-اق جۇمىسكەرلەردى وقىتۋدى دامىتۋ جانە الەۋمەتتىك قولداۋ دەڭگەيىن ارتتىرۋ كومپانيانىڭ كادر ساياساتىنىڭ نەگىزگى باسىمدىقتارى سانالادى.
جاڭا ۇجىمدىق شارتتىڭ نەگىزگى ايىرماشىلىعى – ەڭبەكاقى تولەۋدىڭ جاڭا جۇيەسى. وسى جۇيە اياسىندا 2020 جىلعى
1 ناۋرىزدان باستاپ:
- نەگىزگى ءوندىرىس جۇمىسشىلارى جالاقىسىنىڭ ءوسۋى;
- «قازترانسويل» اق وندىرىستىك بولىمشەلەرى جۇمىسكەرلەرىنىڭ ەڭبەكاقىسىندا بار سايكەسسىزدىكتەردى قىسقارتۋ;
- جۇمىس كاسىپتەرىن نەگىزگى وندىرىسكە, كولىك سالاسىنا جانە قىزمەت كورسەتۋشى ۇجىمعا ءبولۋ;
- «قازمۇنايگاز» ۇك اق-عا ۇقساس كومپانيانىڭ وندىرىستىك ۇجىمى ءۇشىن بىرىڭعاي سىياقى جۇيەسىن ەنگىزۋ كوزدەلەدى.
ۇجىمدىق شارت «قازترانسويل» اق جۇمىسكەرلەرىنە قازاقستان رەسپۋبليكاسىنىڭ ەڭبەك زاڭناماسىندا بەلگىلەنگەن دەڭگەيدەن تومەن ەمەس الەۋمەتتىك قورعاۋ كەپىلدىگىن قامتاماسىز ەتەدى. وندا مىناداي نەگىزگى الەۋمەتتىك جەڭىلدىكتەر قاراستىرىلعان:
- ەرىكتى مەديتسينالىق ساقتاندىرۋ تۋرالى شارت جاساسۋ ارقىلى مەديتسينالىق قىزمەت كورسەتۋ مۇمكىندىگى;
- بالا 1,5 جاسقا تولعانعا دەيىن بالا كۇتىمى بويىنشا دەمالىستاعى جۇمىسكەرلەرگە اي سايىنعى جاردەماقى تولەۋ;
- جاس بالالارى بار ايەلدەرگە جۇمىس ۋاقىتىنىڭ يكەمدى كەستەسى;
- 1,5 جاستان 6 جاسقا دەيىنگى بالانى (بالالاردى) اسىراۋعا اي سايىنعى تولەمدەر;
- دەمالىس كەزىندە بالالاردىڭ لاگەرلەردەگى دەمالىس قۇنىن ءبىر اۋىسىمدا 30 ەسەلەنگەن ايلىق ەسەپتىك كورسەتكىشتەن اسپايتىن مولشەردە وتەۋ;
- كومپانيانىڭ ىشكى قۇجاتتارىندا بەلگىلەنگەن تارتىپپەن تۇرعىن ءۇي جالداۋ بويىنشا شىعىستاردى وتەۋ.
اتالعان قۇجاتتىڭ قوسىمشا جەڭىلدىكتەرى رەتىندە مەكتەپكە دەيىنگى جانە (نەمەسە) مەكتەپ جاسىنداعى بالالارى بار كوپ بالالى جۇمىسكەرلەرگە (زاڭدى وكىلدەردىڭ بىرىنە) 2 كۇنگە قوسىمشا اقىلى ەڭبەك دەمالىسىن بەرۋ بولدى. سونداي-اق 10 جىلدان استام ۇزدىكسىز جۇمىس ءوتىلى بار جۇمىسكەرلەر كومپانيا قاراجاتى ەسەبىنەن ساناتوريالىق-پروفيلاكتيكالىق ەمدەۋدەن وتۋگە مۇمكىندىگى بار.
ۇجىمدىق شارتقا قول قويۋ ءراسىمى اياسىندا «قازترانسويل» اق ۇجىمى «قازاقستاندىق مۇناي-گاز كەشەنىنىڭ سالالىق كاسىپتىك وداعى» قوعامدىق بىرلەستىگىنىڭ العىس حاتىمەن جانە «الەۋمەتتىك سەرىكتەستىك ءۇشىن» ارنايى سىيلىعىمەن ماراپاتتالدى.
ايتا كەتەلىك, «قازترانسويل» اق – ماگيسترالدى مۇناي قۇبىرى بويىنشا قازاقستان رەسپۋبليكاسىنىڭ ۇلتتىق وپەراتورى. «قازمۇنايگاز» ۇك اق توبىنا كىرەدى. ۇزىندىعى 5,4 مىڭ شاقىرىمدى قۇرايتىن ماگيسترالدى مۇناي قۇبىرلارىنىڭ ارتاراپتاندىرىلعان جەلىسىنە يە. «قازترانسويل» اق-تىڭ وندىرىستىك نىساندارى شىمكەنت قالاسى مەن قاراعاندى, پاۆلودار, تۇركىستان, سولتۇستىك قازاقستان, اتىراۋ, ماڭعىستاۋ, باتىس قازاقستان, قىزىلوردا, الماتى, اقتوبە, شىعىس قازاقستان وبلىستارىندا ورنالاسقان.
«قازترانسويل» اق جانە ونىڭ جۇمىسكەرلەرى اراسىنداعى الەۋمەتتىك قورعاۋ سالاسىندا العاشقى ۇجىمدىق شارتقا 2016 جىلعى جەلتوقساندا قولدانۋ مەرزىمى 2017-2020 جىلدارعا دەيىن قول قويىلدى.
ۇجىمدىق شارت كومپانياداعى الەۋمەتتىك-ەڭبەك قاتىناستارىن رەتتەيدى جانە جۇمىسكەرلەردى الەۋمەتتىك قولداۋ, الەۋمەتتىك ارىپتەستىك شەڭبەرىندە مۇددەلەردىڭ وڭتايلى تەڭگەرىمىن ساقتاۋ, «قازترانسويل» اق قىزمەتىنىڭ تيىمدىلىگىن ارتتىرۋ, كومپانيانىڭ وندىرىستىك-ەكونوميكالىق قىزمەتىنىڭ ناتيجەلەرى ءۇشىن جاۋاپكەرشىلىكتى كۇشەيتۋ ماقساتىندا قابىلداندى.
