ءوڭىر كليماتى باقشا داقىلدارىن, جەمىس-جيدەكتى كوپتەپ ەگۋگە مۇمكىندىك بەرەدى.
سونىمەن قاتار سىر توپىراعى جىلىجاي ءوندىرىسىن دامىتۋعا دا قولايلى. داريا بويىنداعى ەلگە اياقسۋ جەتىپ تۇر, ارنادان الىس ورنالاسقان اۋىلداعىلار جەر استى سۋىن پايدالانا الادى. بيىل پالاتا پيلوتتىق نەگىزدە قولدا بار ونىمدەردى كونسەرۆىلەيتىن شاعىن تسەحتاردى, ونىمدەردى بىرلەسىپ وتكىزۋ سەرۆيستىك دايىنداۋ ۇيىمدارى مەن قابىلداۋ پۋنكتەرىن جەتىلدىرەدى, - دەدى پالاتا ديرەكتورى.
عالىمبەك جاقسىلىقوۆ وڭىردە وندىرىلەتىن ونىمدەردى جيناپ, وڭدەۋ ماقساتىندا پالاتا تاراپىنان بيزنەس جوسپارلار ازىرلەنىپ, پيلوتتىق نەگىزدە جۇزەگە اسىرۋ باستالىپ كەتكەندىگىن جەتكىزدى.
وبلىستا قازىر تۇيە سۇتىنە دەگەن سۇرانىس ارتىپ وتىر. وعان باستى سەبەپ – ءسۇت قابىلداۋ پۋنكتتەرىنىڭ اشىلۋىندا. قازىر تۇيەسى بار شارۋالار ت ۇلىك سانىن كوبەيتۋگە كوشكەن. بۇعان دەيىن ليترىنە 700-800 تەڭگە بولعان تۇيە ءسۇتى ەندى كوتەرمە باعادا 1000 تەڭگەدەن ساۋدالانىپ جاتىر. وسىعان بايلانىستى ساۋىن تۇيە قۇنى 550 مىڭنان 1 ملن تەڭگەگە دەيىن كوتەرىلگەن.
