جاقىندا ءال-فارابي اتىنداعى قازۇۋ-دە وتكەن ء«ار الۋاندىق جانە ءبىلىم بەرۋ: كوزقاراستاردىڭ توعىسۋى» تاقىرىبىندا وتكەن حالىقارالىق سەمينار بارىسىندا وتاندىق ماماندارمەن قاتار شەتەل عالىمدارى مادەنيەتارالىق كوممۋنيكاتسيا, اۋدارما ءىسى, ديپلوماتيالىق قارىم-قاتىناستار سالاسىنداعى وزەكتى ماسەلەلەردى تالقىلادى.
عىلىمي سەميناردا ءال-فارابي اتىنداعى قازۇۋ ءبىرىنشى پرورەكتورى م.بۇركىتباەۆ جاقىندا ۋنيۆەرسيتەت قابىرعاسىندا اشىلعان «مادەنيەتارالىق كوممۋنيكاتسيا جانە اۋدارما زەرتتەۋلەرى» حالىقارالىق ورتالىعىنىڭ جۇمىسىنا توقتالىپ,وندا ءبىلىم باعدارلامالارى نارىعىندا باسەكەلەستىكتى ارتتىرا وتىرىپ, وتاندىق ستۋدەنتتەردىڭ الەم تىلدەرىن يگەرۋدەگى ارتىقشىلىقتارىنا توقتالدى. ال ءوز كەزەگىندە ورتالىق ديرەكتورى, فريبۋرگ ۋنيۆەرسيتەتىنىڭ 2012-2014 جىلدارداعى پوست-دوكتورناتى, فيلولوگيا عىلىمدارىنىڭ كانديداتى, پروفەسسور, ديپلوماتيالىق اۋدارما كافەدراسىنىڭ مەڭگەرۋشىسى الماش سەيدىكەنوۆا حالىقارالىق بايلانىستاردى نىعايتا وتىرىپ, شەتەلدىك ارىپتەستەرمەن مادەني كوممۋنيكاتسيا, اۋدارما زەرتتەۋلەرىن يگەرۋدەگى ىقپالداستىق تۇرعىسىندا ءسوز قوزعادى. ەكى جىل بويى شۆەيتسارياداعى ستۋدەنتتەردىڭ ومىرىمەن ءجىتى تانىسقان مامان بۇگىندە وتاندىق ستۋدەنتتەر ءۇشىن ءبىلىم مەن ىزدەنىستىڭ ارا جىگىن اجىراتاتىن كەز كەلدى, دەيدى. الماش سمايىلقىزىنىڭ ايتۋىنشا, شەتەلدىك وقۋ ورىندارىندا اكادەميالىق ەركىندىككە بارىنشا ءمان بەرىلىپ, ستۋدەنتتەردىڭ ىزدەنىسپەن جۇمىس ىستەۋىنە قولايلى جاعدايلار جاسالعان. ياعني, وقىتۋشى باعىت-باعدار بەرگەننەن كەيىن, ستۋدەنت ارى قاراي شىعارماشىلىقپەن اينالىسادى. وسى تۇرعىدا وتاندىق ءبىلىم جۇيەسىندە نەگىزگە الاتىن ماسەلەلەر جەتكىلىكتى. ءالى كۇنگە وتاندىق ءبىلىم سالاسىندا كەڭەستىك جۇيە مەن شەتەلدىك ءبىلىم تاجىريبەسىنىڭ ۇتىمدى-ۇتىمسىز تۇستارىنىڭ ارا-جىگىن اجىراتا الماي وتىرۋ سەبەپتەرى ءجيى كەزدەسەدى. ال ونىڭ سالدارى بولاشاق مامانداردىڭ كاسىبي جوعارى دەڭگەيدە ءبىلىم الۋىنا كەرى ىقپالىن تيگىزۋدە. تىپتەن, وقىتۋشىلاردىڭ دا, ستۋدەنتتەردىڭ دە الەۋمەتتىك جۇمىستارعا بارىنشا الاڭداۋىنىڭ كەرى اسەرىن بىلە تۇرا, بۇل جايتتاردان ارىلا الماي كەلەمىز, دەيدى مامان. سوندىقتان دا ستۋدەنتتەردىڭ زەرتتەۋ جۇمىستارىنا كوپ كوڭىل بولۋدەگى شەتەل تاجىريبەسىنە نازار اۋدارۋ قاجەت. ازات ويدىڭ ناتيجەسى دە نيتيجەلى بولماق. وسى تۇرعىدان العاندا جاقىندا اشىلعان ورتالىق جۇمىسى ستۋدەنتتەردىڭ وي ەركىندىگىنە بارىنشا جاعداي تۋعىزا وتىرىپ, سويلەۋ مانەرى, شەت تىلدەردىڭ كودىن جەتكىلىكتى مەڭگەرۋ, شەت تىلىندە عىلىمي تاجىريبەدەن ءوتۋ, اكادەميالىق موبيلدىلىك, سونىمەن قاتار وقىتۋشىلارعا ارنالعان كاسىبي بىلىكتىلىك كۋرستارىن وتكىزۋدىڭ دە تيىمدىلىگى جوعارى. ال يت سالاداعى ەلەكتروندى وقۋلىقتار مەن باعدارلامالارمەن قامتاماسىز ەتۋ, مەكتەپتەر مەن جوعارى وقۋ ورىندارىنا قاجەتتى وقۋ جانە عىلىمي ماتەريالدار, سونداي-اق ءتىل مەڭگەرۋ ءۇشىن ءموبيلدى قوسىمشالارمەن قامتاماسىز ەتۋدىڭ ماڭىزى جوعارى.
سەميناردا رۋمىنيا, جەنەۆا, فرانتسيا, الجير, ت.ب. شەتەل ۋنيۆەرسيتەتتەرىنىڭ پروفەسسورلارى مەن دوكتورانتتارى حالىقارالىق ىقپالداستىق ماسەلەلەرىنە قاتىستى بايانداما جاسادى.
الماتى
