سالبۋرىن – مەرەكە عوي ساياتشىعا

قانسوناردا بۇركىتشى شىعادى اڭعا,

تاستان تۇلكى تابىلار اڭدىعانعا.

جاقسى ات پەن تاتۋ جولداس – ءبىر عانيبەت,

ىڭعايلى ىقشام كيىم اڭشى ادامعا.

اتا-بابامىزدان قالعان ءداس­تۇردى كەيىنگى ۇرپاققا ناسيحاتتاۋ ماقساتىندا ساياتشىلار مەرەكەسى بۇل جولى ءال-ءفارا­بيدىڭ 1150 جىل­دىعى جانە ۇلى ويشىل اباي قۇنانباي ۇلىنىڭ 175 جىلدىق مە­رەيتويىمەن بايلانىستىرىلا كوركەمسوز وقۋ شەبەرلەرىنىڭ بايقاۋى رەتىندە ۇيىمداستىرىلدى. قازاق ءتىلىنىڭ كوركەمدىك ەرەكشەلىگىن, باي سوزدىك قورىن ناسيحاتتاۋ, ءال-فارا­بي, اباي جانە باسقا دا كلاس­سيك­تەردىڭ شىعارمالارىن ورىنداۋ ارقىلى كوركەم ادەبيەتكە جاستاردىڭ ىقىلاسىن ارتتىرۋدى ماق­سات ەتكەن بايقاۋدا جۇلدەلى ورىنعا لايىقتىلار كوپ بولدى. ءىس-شارا بارىسىندا كو­رەرمەندەرگە ۇلى تۇلعالاردىڭ ءومىر جو­لىنا جانە ساياتشىلىق داستۇرگە قا­تىستى كورمە ۇيىمداستىرىلىپ, وبلىس جانە اۋدان ونەرپازدارى تاراپىنان ءان-شاشۋلار تارتۋ ەتىلدى. جەڭىمپازداردى ماراپاتتاۋ راسىمىندە ءسوز العان اۋدان اكىمىنىڭ ورىنباسارى ب.احمەتوۆ ەلباسىنىڭ «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» ماقالالارى اياسىندا ۇلتتىق سالت-ءداستۇردى بۇقارا حالىق اراسىندا ناسيحاتتاۋدىڭ ماڭىز­دىلىعىن اتاپ ءوتتى.

بايقاۋ قورىتىندىسى بويىنشا ءى ورىندى ماعجان بەكەەۆ جەڭىپ السا, ءىى ورىنعا نۇرسەزىم كۇندەباي, الۋا كە­ڭەسباي يە بولدى, ال ءىىى ورىنعا اس­ميرا ابداليەۆا مەن مەيىرحان توپان­باي لايىق دەپ تانىلدى. جەڭىمپازدارعا اۋدان اكىمىنىڭ العىس حاتى مەن سەرتيفي­كاتتار تابىس ەتىلدى. ايتا كەتەيىك, سوڭ­عى جىلدارى ءوڭىردىڭ ءاربىر اۋدان, قا­لا­لارىنىڭ تابيعي ەرەكشەلىكتەرىنە ساي ءتۇرلى ءىس-شارالار وتكىزىلىپ كەلەدى.

تۇركىستان وبلىسى