جيىنعا الماتى قالاسى اكىمىنىڭ ورىنباسارى ەرجان باباقۇماروۆ, الماتى قالاسى بويىنشا قازاقستان حالقى اسسامبلەياسى حاتشىلىعىنىڭ مەڭگەرۋشىسى نازار بالعىمباەۆ, «قوعامدىق كەلىسىم» قالالىق فيليالىنىڭ ديرەكتورى ش. ءتاجمۇراتوۆ جانە ەتنومادەني بىرلەستىكتەردىڭ وكىلدەرى قاتىستى.
دوڭگەلەك ۇستەل قاتىسۋشىلارى ەتنوسارالىق قاتىناستار سالاسىنداعى مەملەكەتتىك جانە ازاماتتىق قوعام ينستيتۋتتارىنىڭ ءىس-قيمىلىن, سونداي-اق ەتنوسارالىق كەلىسىمدى, قوعامداعى تولەرانتتىلىق پەن حالىق بىرلىگىن ودان ءارى نىعايتۋ ءۇشىن قولايلى جاعداي جاساۋ ماسەلەلەرى جايىندا ءوزارا پىكىر الماستى.
الماتى قالاسى اكىمىنىڭ ورىنباسارى ەرجان باباقۇماروۆ العىس ايتۋ كۇنى حالىقتار دوستىعى مەن ىنتىماق, بىرلىككە باستاعان قازاقستان حالقى اسسامبلەياسىنىڭ قۇرىلۋىنا ىقپال ەتكەنىن اتاپ ءوتتى. بۇگىندە الماتىدا 100-دەن استام ۇلت وكىلدەرى تۇرادى. 37 قالالىق جانە 19 رەسپۋبليكالىق ەتنومادەني بىرلەستىكتەر جۇمىس ىستەيدى. 2019 جىلى الماتىنىڭ ەتنومادەني بىرلەستىكتەرى اسسامبلەيانىڭ قولداۋىمەن 182 قايىرىمدىلىق شارالارىن وتكىزدى. 8310-دەن اسا مۇقتاج ازاماتتارعا كومەك بەرىپ, 870 وتباسىنا قولداۋ كورسەتتى.
ءوز كەزەگىندە ەتنومادەني بىرلەستىكتەردىڭ وكىلدەرى قازاق جەرىنە العىستارىن ءبىلدىرىپ, ەتنوسارالىق دوستىق ساباقتاستىعىن ساقتاۋدىڭ ماڭىزدىلىعىن اتاپ ءوتتى.
«العىس ايتۋ كۇنى – بارشا حالىقتى بىرىكتىرەتىن مەرەكە. بۇل كۇنى ءار ادام قاسىنداعى جاندارعا: ء«بىزدىڭ قوي ۇستىنە بوزتورعاي جۇمىرتقالاعان, مامىراجاي ەلدە تۇرىپ جاتقانىمىز ءۇشىن مىڭ دا ءبىر العىس» دەپ ايتۋى ءتيىس. بۇل مەيرام, ەڭ الدىمەن, وسكەلەڭ ۇرپاققا قاجەت. العىس ايتۋ كۇنىندە بالالارىمىزعا وتانىمىزدى ساقتاپ قالعانىمىزدى ايتىپ, 130 ۇلت وكىلىنىڭ ءبىر بايراقتىڭ استىندا ءبىر-بىرىمەن تاتۋ-ءتاتتى ءومىر ءسۇرىپ جاتقانىن ەسكەرتۋىمىز ارتىق ەمەس», – دەدى «قازاقستانداعى ورىس مادەني ورتالىعىنىڭ» توراعاسى ۆسەۆولود لۋكاشەۆ.
«باربانگ» كۇردتەر قاۋىمداستىعىنىڭ توراعاسى كنياز ميرزوەۆتىڭ ايتۋىنشا, كوكتەمنىڭ العاشقى كۇنى «راحمەت» سوزىمەن باستالادى. ول كەڭەس ۇكىمەتى بيلەگەن جىلداردا ۇلى دالاعا قونىس اۋدارعان حالىقتار ءبىر-بىرىنە شىدامدىلىق پەن قوناقجايلىق ءۇشىن العىس بىلدىرە الاتىنىن, بۇل ءداستۇر ەل بىرلىگى مەن ىنتىماقتاستىعىن ودان ءارى نىعايتا تۇسەتىنىن جەتكىزدى.
«قازاقستان – كوپۇلتتى مەملەكەت. بۇل مەرەكەدە ءتۇر-تۇسىمىزگە, ءدىني سەنىمىمىزگە قاراماستان, ءبىر-بىرىمىزگە قازاقستاندا تاتۋ-ءتاتتى وتباسى بولىپ ءومىر ءسۇرىپ جاتقانىمىز ءۇشىن العىس ايتۋىمىز ءتيىس. بۇل دوستىقتىڭ كىرپىشىن قيىن-قىستاۋ زاماندا ءومىر سۇرگەن اكەلەرىمىز بەن اتالارىمىز قالاعان. مەنىڭ ويىمشا, ەندى ءبىز, ەتنومادەني بىرلەستىكتەردىڭ باسشىلارى, اعا ۇرپاق وزدەرىنىڭ بالالارىنا, نەمەرەلەرىنە قازاقستان دوستىقتىڭ پەن ەڭبەكتىڭ ارقاسىندا بوي كوتەرگەنىن جەتكىزۋىمىز كەرەك», – دەدى قازاقستاننىڭ گرەك قوعامدارى قاۋىمداستىعىنىڭ پرەزيدەنتى گەورگي يوردانيدي.
بيىل قازاقستاندىقتار العىس ايتۋ كۇنىن بەسىنشى رەت اتاپ وتۋدە. بۇل مەرەكەگە قر تۇڭعىش پرەزيدەنتى - ەلباسى 2016 جىلى باستاماشىلىق ەتكەن بولاتىن. بۇل كۇن بارلىق قازاقستاندىقتاردىڭ ءبىر-بىرىنە دەگەن مەيىرىمدىلىگى مەن دوستىعىنىڭ جانە سۇيىسپەنشىلىگىنىڭ جارقىن مەرەكەسىنە اينالماق.
الماتى
