رۋحانيات • 01 ناۋرىز، 2020

300 جىلدىق تاريحى بار پيراميدا قالپىنا كەلتىرىلدى

945 رەتكورسەتىلدى

ارحەولوگتار قاراعاندى ماڭىنداعى دالادان تابىلعان ەجەلگى «سارىارقا پيراميداسىن» قالپىنا كەلتىرۋدى اياقتادى.  بۇل تۋرالى ءوزىنىڭ Facebook پاراقشاسىندا قاراعاندىلىق عالىم ۆيكتور نوۆوجەنوۆ جاريالادى.

«جاز بويى ي.كۋكۋشكين باستاعان ەكسپەديتسيا نىساندى قالپىنا كەلتىرۋگە دايىندادى، كۇزدە تاريح عىلىمدارىنىڭ كانديداتى، بەلگىلى ارحەولوگ ا. ز.بەيسەنوۆ باستاعان ماماندار توبى بۇل جوبانى اياقتادى. ەندى ەلىمىزدىڭ تۋريستىك كارتاسىندا جاڭا ەرەكشە ەسكەرتكىش - بەعازى كەسەنەسى پايدا بولدى. داندىباەۆتىڭ جەتەكشىسى! بۇل ەسكەرتكىشتىڭ قازبا جۇمىستارى جالعاسادى، ءبىز قاراعاندى ارحەولوگتارىنا جاڭا تاڭعاجايىپ اشىلۋلار تىلەيمىز»  دەپ جازدى عالىم.

عالىم ءوزىنىڭ الەۋمەتتىك جەلىدەگى پاراقشاسىندا     نوۆوجەنوۆ پيراميدانىڭ قالپىنا كەلتىرۋگە دەيىنگى جانە كەيىنگى فوتوسۋرەتتەرى، سونىمەن قاتار كەسەنەدەگى ەرەكشە فورماداعى جۇمباق التىن ساقينانىڭ سۋرەتتەرى جانە جۇمباق كونە جازۋلارى بار سازدى كاستريۋلدىڭ سۋرەتتەرىن  جاريالاعان.

كونە جادىگەر قاراعاندى وبلىسىنا قاراستى  شەت اۋدانىنىڭ تالدى اۋىلىنان 8 شاقىرىم قاشىقتىقتاعى قاراجارتاس قورىمى ماڭىنان تابىلعان. قورىمداعى  توپىراقپەن كومىلگەن ءۇيىندىنى قاراعاندىلىق ارحەولوگتاردىڭ نازارىن وزىنە اۋدارىپ، ولار قازبا جۇمىستارىن جۇرگىزۋ تۋرالى شەشىم  قابىلداۋىنا سەبەپ بولعان. سارىارقا پيراميداسىنىڭ قابىرعالارى تاستان 5-6 قاتار ەتىپ تۇرعىزىلىپ، بۇرىشتارى اسقان شەبەرلىكپەن شىعارىلعان. جان-جاعى 15، ال بيىكتىگى 4 مەتر.

عالىمداردىڭ بولجاۋىنشا، قورىمدى بىزدەن ءۇش مىڭ جىل بۇرىن ءومىر سۇرگەن بەعازى-ءداندىباي مادەنيەتىنىڭ وكىلدەرى سالعان. ء بىر ايتا كەتەرلىگى، بۇل قازاق دالاسىنان تابىلىپ وتىرعان العاشقى  پيراميدا.

عالىمداردىڭ پايىمداۋىنشا، ول بەعازى-ءداندىباي مادەنيەتى وكىلدەرىنىڭ سول زاماننىڭ وزىندە قۇرىلىستان حاباردار بولعانىن دالەلدەيدى.

سارىارقا پيراميداسى مەملەكەت قورعاۋىنا الىنعان. بۇل ماڭايدان پيراميدادان باسقا 30 شاقتى قورىم انىقتالدى. ولار تاياز، ءارى شاعىن. بارلىعىندا ادامدار تۇرمىستىق زاتتارمەن بىرگە جەرلەنگەن. كەيبىرىنەن قىش، قولادان جاسالعان بۇيىمدار تابىلدى. جادىگەرلەر جاقسى ساقتالعان.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار