عىلىمي سەمينار مودەراتورى قر پارلامەنت سەناتىنىڭ دەپۋتاتى, قر ۇعا اكادەميگى, قر ۇيا پرەزيدەنتى باقىتجان جۇماعۇلوۆ شارانىڭ ماڭىزدىلىعىنا توقتالىپ, «ءابۋ ناسىر ءال-فارابيدەي ۇلى دانىشپاننىڭ باي مۇراسىن جان-جاقتى تالداپ, سارقا تانۋ قيىن. ويتكەنى, ونىڭ شىعارماشىلىعى سان-سالالى. ءوزىن اتاقتى فيلوسوف, دارىندى ماتەماتيك, كەمەڭگەر ويشىل رەتىندە تانىتا بىلگەن جەرلەسىمىز عىلىمعا شىن بەرىلىپ, اسقان جىگەرى مەن كۇش-قايراتىن جۇمساپ, ەڭبەكتەنگەنى بەلگىلى. ال ءال-ءفارابيدىڭدارىندى ءىزباسارلارىنىڭ ءبىردەن-ءبىرى, جوعارى كلاسستى ماشينالار مەن مەحانيزمدەر تەورياسىنىڭ نەگىزىن قالاۋشى ءومىربەك جولداسبەكوۆتىڭ عالىمنىڭ مەحانيكا سالاسىنداعى مۇراسى الەمدىك دەڭگەيدە بالاماسى جوق جۇك كوتەرگىش جانە مانيپۋلياتورلىق قۇرىلعىلار جوبالاۋعا نەگىز بولدى» دەپ اتاپ ءوتءتى. ب.جۇماعۇلوۆسونىمەن قاتار مەحانيك عالىم, پروفەسسور قر ۇلتتىق ينجەنەرلىك اكادەميانىڭ اكادەميگى جانە حالىقارالىق ينجەنەرلىك اكادەميانىڭ اكدەميگى, 1995-1997, 2010-2016 جىلداردا مەحانيكا جانە ماشيناتانۋ ينستيتۋتىنىڭ باس ديرەكتورى بولعان سكانداربەك جولداسبەكوۆتىڭ عىلىمعا قوسقان ەسەلى ەڭبەگى جايىندا كەڭىنەن باياندادى.
«ءابۋ ناسىر ءال-فارابي – ءوز ۋاقىتىنىڭ ءبىلىمىن جۇيەلەۋگە ۇمتىلعان, الەمگە تانىمال تۇلعا, عىلىم رەفورماتورى. «ماتەماتيكالىق تراكتاتتارى» كىتابى ماتەماتيكالىق عىلىمدى دامىتۋعا ۇلكەن اسەر ەتتى. بۇل ء ال-فارابي شىعارماشىلىعىن كەڭىنەن اشىپ, ونىڭ ءوز ءداۋىرىنىڭ ءىرى ماتەماتيگى بەينەسىن سومدايدى. بۇل تراكتاتتا ءال-فارابي سول ۋاقىتتاعى عىلىمداردىڭ رەتىن كورسەتكەن, ولاردىڭ زەرتتەۋ ماندەرىن انىقتاعان جانە مەحانيكا تۋرالى عىلىمنىڭ ء ال-فارابي ءوزىنىڭ ۇستازى رەتىندە ساناعان ارحيمەد داۋىرىنەن باستاپ تۋىنداعانىن ايتادى.
اتالعان ۇلى عالىمداردىڭ عىلىمي مۇرالارىن ساقتاۋ بارىسىندا, بۇگىندە قاتتى دەنەلەر جانە تۇتاس ورتالار مەحانيكاسى, دىرىلمەنسوققىلاۋ جانە جاڭا بەيىمدەلگىش ماشينالار جاساۋ, روبوتوتەحنيكالىق جانە زياتكەرلىك جۇيەلەر, ساپر جۇيەسى, مەحانيزمدەردى تالداۋ جانە سينتەزدەۋدىڭ باعدارلامالىق كومپلەكستەرى بويىنشا قازاقستان ەكونوميكاسى عىلىمي-پراكتيكالىق ماسەلەلەرىن ىسكە اسىرۋدا ءبىرشاما جۇمىستار اتقارىلۋدا. ءوندىرىستى اۆتوماتتاندىرۋ جانە تسيفرالىق تەحنولوگيالاردىڭ وزىق جەتىستىكتەرىن يگەرۋ جانە ىسكە اسىرۋدا ماشينا جاساۋشى كاسىپورىندارمەن بىرگە جۇمىس اتقارىلۋدا. اكادەميك ءو.ا.جولداسبەكوۆتىڭ ەڭبەكتەرىن دامىتۋ نەگىزىندە كوتەرگىشى بار شاعىن روبوتتار, جاڭا ۇلگىدەگى باسپاق-اۆتوماتتار, يىنتىرەكتى دىرىلسوققىشتار, شاعىن قادامداۋشى روبوت جانە ەكزوسكەلەتتەر, رەتنتگەنوفلۋورەستسەنتتى ەنەرگوديسپەسيوندى اسپاپ, كولدەنەڭ يننوۆاتسيالىق ەلەۆاتور جانە ت.ب. جاسالدى. بۇل جاسامالار قازاقستان رەسپۋبليكاسى ەنەرگەتيكا, ماشيناقۇرۋشى سالالار, مەديتسينا, روبوتوتەحنيكا, وتىن ونەركاسىبىندە جانە باسقادا سالالاردا سۇرانىستا.
سەميناردا سونىمەن قاتار حيميا عىلىمدارىنىڭ دوكتورى, پروفەسسور, اكادەميك ن.ناديروۆ, تەحنيكا عىلىمدارىنىڭ دوكتورى, پوفەسسور, اكادەميك گ.ۋاليەۆ, قر ۇيا جانە حيا اكادەميگى, اكادەميك ءو.ا.جولداسبەكوۆ اتىنداعى مەحانيكا جانە ماشيناتانۋ ينستيتۋتىنىڭ باس ديرەكتورى ا.تءولەشوۆ,قر تسدقاوم مينيستر كەڭەسشىسى, قر ۇعا اكادەميگى م.مولدابەكوۆ, قر ءۇيا كوررەسپوندەت مۇشەسى ا.جومارتوۆ, پروفەسسور ا.سەيداحمەت, ت.ع.د.,پروفەسسور س.يبراەۆ, ت.ع.د.,پروفەسسور ە.تەمىربەكوۆ, ت.ع.ك. دوتسەنت ن.جامالوۆ, ت.ع.د., ت.ب. اكادەميك ءو.ا.جولداسبەكوۆتىڭ تانىمال شاكىرتتەرى بايانداما جاساپ, عالىمنىڭ ىزگى ىستەرى جايىندا پىكىرلەرىن ءبىلدىردى.
