كورمەگە قازاقستان, وزبەكستان, قىرعىزستان, تاجىكستان, تۇرىكمەنستان, رەسەي, موڭعوليا مەن گرۋزيانىڭ بارلىق وڭىرلەرىنەن 100-دەن استام قولونەر شەبەرلەرى قاتىسۋدا. بۇل مەرەكە كۇندەرى قولونەرشىلەر ايەلدەر قاۋىمىنا تارتۋ جاسايدى. وزبەكستان مەن تۇركىمەنستاننىڭ جەتەكشى ديزاينەرلەرىنىڭ كيىمى, زەرگەرلىك بۇيىمدار, كيىز جانە جىبەكتەن جاسالعان زاتتار, شىعىس مينياتيۋراسى جانە ت. ب. بۇيىمدار كەلۋشىلەرگە ەرەكشە كوڭىل-كۇي سىيلايدى.
مۋزەيدەگى ورتا-ازيالىق حالىق قولونەرىنىڭ كورمە-جارمەڭكەسى قازاقستانمەن قاتار, شەتەلدىك ونەر جانە قولونەر بۇيىمدارىن باعالاۋشىلاردىڭ قىزىعۋشىلىعىن تۋدىرادى, دەيدى ۇيىمداستىرۋشىلار.
«قىزعالداقتار گۇلدەگەندە» Art-كورمە-جارمەڭكەسىندە ەلباسىنىڭ « ۇلى دالانىڭ جەتى قىرى» ماقالاسى اياسىندا «قازاقستان – الما مەن قىزعالداقتىڭ وتانى» تاقىرىپتا كوركەمسۋرەت مەكتەپ وقۋشىلارى جانە كوللەدج ستۋدەنتەرىنىڭ بايقاۋ جۇمىستارىنىڭ كورمەسى, سونداي-اق كوركەم سۋرەت بويىنشا شەبەرلىك-ساباقتار جوسپارلانعان.
Art-كورمە-جارمەڭكەسى 28-29 اقپان,1 ناۋرىز كۇندەرى ساعات 9.00-دەن 18.00-گە دەيىن جالعاسادى.
الماتى
