بيولوگيا جانە بيوتەحنولوگيا فاكۋلتەتىنىڭ دەكانى بولات زايادان كىتاپ اۆتورىن وسىنداي ايتۋلى وقيعامەن قۇتتىقتاپ, باسىلىمنىڭ جوعارى عىلىمي جانە مادەني قۇندىلىعىنا توقتالىپ, كوپ جىلدىق ۇجىمدىق ەڭبەكتىڭ ناتيجەسى دەپ اتاپ ءوتتى.
ء«ال-فارابي اتىنداعى قازاق ۇلتتىق ۋنيۆەرسيتەتى بيولوگيالىق مۇراجايىنىڭ ومىرتقالى جانۋارلار توپتاماسىنىڭ كاتالوگى» - بۇگىنگى تاڭدا مۇراجايدىڭ كوللەكتسيالىق قورىنىڭ جاعدايى تۋرالى جيناقتالعان تولىق انىقتاما قۇرالى. باسىلىم بيولوگيالىق مۇراجايدىڭ تاريحى مەن ونىڭ قىزمەتكەرلەرىنە ارنالعان بولىمدەردەن, دەمونستراتسيالىق زالدىڭ, سىرتقى سورەلەردىڭ جانە باۋىرىمەن جورعالاۋشىلار, سۇتقورەكتىلەر, ورنيتولوگيالىق, وولوگيالىق, وستەولوگيالىق تىكەلەي كوللەكتسيا قورىنىڭ سيپاتتاماسىنان تۇرادى.
قازۇۋ-دىڭ بيولوگيالىق مۇراجايى 80 جىلدان استام ۋاقىت بۇرىن اشىلعان. رەسپۋبليكانىڭ جوعارى وقۋ ورىندارىنىڭ ىشىندەگى جانۋارلار سانى 7888 دانادان تۇراتىن ەڭ باي زوولوگيالىق كوللەكتسياسىمەن ماقتانا الادى. ونىڭ ىشىندە 70 وترياد, 217 تۇقىمداس جانە 866 جانۋار تۇرلەرى بار. قوردىڭ عىلىمي, مادەني-اعارتۋشىلىق, وقۋ-تاربيەلىك جانە ەستەتيكالىق قۇندىلىعى زور. وندا سيرەك كەزدەسەتىن, جويىلىپ بارا جاتقان جانە ەندەميالىق جانۋارلاردىڭ تۇرلەرى, سونىڭ ىشىندە 70 جىلدان استام بۇرىن مەكەندەگەن جەرلەرىنەن جوعالىپ كەتكەن تۇراندىق جولبارىستىڭ ەكسپوناتتارى دا بار.
قىلىشباي ساتىمبەك ۇلىنىڭ ءوز كەزەگىندە وقۋشىلار مەن ستۋدەنتتەردى, جوو-نىڭ ماگيسترانتتارى مەن دوكتورانتتارىن, شەتەلدىكتەردىڭ قىزىعۋشىلىعىن ارتتىرىپ وتىرعان مۋزەي كۇردەلى جوندەۋدەن كەيىن قازىرگى زامانعى تەحنولوگيالار, اۋديو جانە بەينە ۆيزۋاليزاتسيامەن جاراقتاندىرىلىپ, ەندىگى كەزەكتە كورىكتى جەرلەردىڭ ءبىرى رەتىندە الماتى كارتاسىنا ەنسە دەگەن پىكىرىمەن ءبولىستى.
