قازاقستان • 28 اقپان، 2020

مەملەكەتتىك قورعانىس تاپسىرىسىنا قاجەتتى م ۇلىكتىڭ 96 %-ى وتاندىق وندىرۋشىلەرگە بەرىلەدى

12 رەتكورسەتىلدى

قازاقستان رەسپۋبليكاسىنىڭ قك تىل جانە قارۋ-جاراق باسقارماسىنىڭ باستىعى اسىلبەك ساتىبالدينوۆ وتاندىق وندىرۋشىلەر، اسكەري كيىم نىسانى جانە وعان قويىلاتىن تالاپتار تۋرالى سۇراقتارعا جاۋاپ بەردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

اسىلبەك ەرمەك ۇلى، قارۋلى كۇشتەردە قانداي كيىم-كەشەك تۇرلەرى بار؟

قازاقستان رەسپۋبليكاسىنىڭ قك اسكەري قىزمەتشىلەرىن، اسكەري بولىمدەرى مەن مەكەمەلەرىن زاتتاي م ۇلىكپەن جابدىقتاۋ نورمالارىنا سايكەس اسكەري قىزمەتشىلەر 169 كيىم تۇرىمەن، ونىڭ ىشىندە فۋراجكا، قالپاق، كيتەل، جىلى كۇرتەشە، جەيدە، گالستۋك، باتەڭكە، تۋفلي، جانە ت.ب قامتاماسىز ەتىلۋى ءتيىس.

اسكەري كيىم نىسانىنىڭ بىرنەشە ءتۇرى بار: ەرەكشە سالتاناتتى، سالتاناتتى، كۇندەلىكتى، دالالىق جانە جۇمىس فورماسى. سونداي-اق ولار جازعى، قىسقى، ساپقا ارنالعان جانە ساپتان تىس، تيىسىنشە ەرلەرگە جانە ايەلدەرگە ارنالعان بولىپ بولىنەدى. 

ءاربىر اسكەردىڭ ءوز كيىم كيۋ نىسانى بولادى.

اسكەري قىزمەتشىلەردىڭ اسكەري كيىم-كەشەگى ءۇشىن جاڭا ءتۇس ۇيلەسىمدىلىگى قولدانىلدى:

قۇرلىق اسكەرلەرى كيىم نىسانىنىڭ ءتۇسى – قارا جۋسان تۇستەس:

اۋە قورعانىسى كۇشتەرى كيىم نىسانىنىڭ ءتۇسى – كوك ءتۇستى;

اسكەري تەڭىز كۇشتەرىنىڭ كيىم نىسانىنىڭ ۇلگىسى – قارا ءتۇستى.

جوعارى وفيتسەرلىك قۇرامنىڭ سالتاناتتى كيىم كيۋ نىسانى قازاقي ويۋ-ورنەك پەن لاۆر ورنەگىمەن ارلەنىپ بىرىكتىرىلگەن.

كيىمدى ساتىپ الۋدىڭ ءتارتىبى قانداي؟

مەملەكەتتىك قورعانىس تاپسىرىسى جۇيەسىندە (ودان ءارى - متق) قورعانىس مينيسترلىگى تەك اسكەري تاۋارلاردى، ياعني دايىن ءونىمدى الۋشى بولىپ تابىلادى، قر  يندۋستريا جانە ينفراقۇرىلىمدىق مينيسترلىگىمەن بىرىگىپ، كەلىسىمدەر جاسايدى.

قورعانىس مينيسترلىگى كەلىسىمشارت جاساۋ مىندەمەتتەلەرى پروتسەسسىنە قاتىسپايدى.  مەملەكەتتىك قورعانىس تاپسىرىسىنىڭ ورىنداۋشىلارىمەن، ياعني ماتا وندىرۋشىلەرىمەن تىكەلەي كەلىسىم-شارت قاتىناستارىنا قورعانىس مينيسترلىگىنىڭ قاتىسى بولمايدى.

قورعانىس مينيسترلىگى تەحنيكالىق ەرەكشەلىكتەر ۇسىنا ما؟

ءيا، كيىم كيۋ نىسانىنا قويىلاتىن بارلىق تالاپتاردى قورعانىس مينيسترلىگى ۇسىنادى. تەحنيكالىق ەرەكشەلىكتەردى ازىرلەۋ كەزىندە قر كونتينەنتالدى اۋا-رايى، ياعني تەمپەراتۋرا جازدا 45-تەن جوعارى قىسقى ۋاقىتتا 50 گرادۋس 0-دەن تومەنگە دەيىن، كۇز بەن كوكتەمدە قاتتى جاڭبىر مەن جەلدە وزگەرۋى ەسكەرىلەدى. كيىم كيۋ نىسانىنىڭ اسكەري قىزمەتشىنى قورعاۋى ءبىز ءۇشىن ماڭىزدى، دالالىق شىعۋلار مەن جاۋىنگەرلىك ءىس-ارەكەتتى ورىنداۋدا فۋنكتسيونالدى بولۋ كەرەك. سونىمەن قاتار كيىم كيۋ نىسانى جاۋىنگەرلىك تاپسىرمالاردى ورىنداۋدا امبەباپ جانە ىڭعايلى بولۋى شارت. اسكەري ءىس-ارەكەتتى ورىنداعاندا ءتۇرلى جاعدايلار بولۋى مۇمكىن، اتاپ ايتقاندا اسكەري قىزمەتشى جاراقات الۋى مۇمكىن، سوندىقتان وسى ەرەكشەلىكتەردىڭ بارلىعى ەسكەرىلۋى قاجەت.

اسكەري كيىم كيۋ نىسانىنا قويىلاتىن تالاپتاردى ازىرلەۋ كەزىندە وتكەن جىلدارداعى كيىمدەرگە، زاماناۋي تەحنولوگيالار مەن شەت ەلدەردىڭ وزىق تاجىريبەلەرىنە تالداۋ جاسالادى.

قازىرگى تاڭدا زاماناۋي جوعارى تەحنولوگيالىق ماتالاردىڭ پايدا بولۋىمەن قازاقستان رەسپۋبليكاسىنىڭ قك اسكەري قىزمەتشىلەردىڭ كيىم كيۋ نىسانىن، كوبىنە دالالىق كيىم كيۋ نىسانىن دايىنداۋعا پايدالانۋ قاجەتتىلىگى تۋىندادى.

ماتاعا قاتىستى تالاپتار قانشالاقىتى ءجيى وزگەرەدى؟

ساتىپ الىناتىن زاتتاي م ۇلىكتىڭ تەحنيكالىق ەرەكشەلىكتەرى تىكەلەي ورىنداۋشى كاسىپورىندارمەن ازىرلەنىپ، كەلىسىلگەن. بۇگىنگى تاڭدا، تەحنولوگيالار ءبىر ورىندا تۇرمايدى، سوندىقتان ءبىز كيىم ساپاسىن جاقسارتۋ قاجەتتىگىن تۇسىنگەن كەزدە، ويلاعانىمىزدى جۇزەگە اسىرامىز. بىراق تاعى دا ايتا كەتكىم كەلەدى، بۇل ساتتەردىڭ ءبارى ءبىرىنشى كەزەكتە ورىنداۋشىمەن كەلىسىلەدى، ويتكەنى ولاردىڭ مۇمكىندىكتەرى دە شەكتەۋلى.

ماسەلەن، 2015 جىلى ۇستىڭگى كيىمگە قاجەتتى ماتەريالدار ارالاس ريپستوپ ماقتا-ماتا تۇرىنەن كورسەتىلگەن.

تاۋار وندىرۋشىلەر وزدەرى وندىرەتىن ماتالاردى تەحنيكالىق ەرەكشەلىكتەرگە قوسۋ تۋرالى قورعانىس مينيسترلىگىنە رەسمي حات جولدادى. قورعانىس مينيسترلىگى (2015-2016) وسى ماسەلەنى قاراي وتىرىپ، وتاندىق ءونىمدى قولداۋ ماقساتىندا وتاندىق وندىرۋشىلەردىڭ شيكىزاتتارىن، ماتالارى مەن ماتەريالدارىن پايدالانۋ جايلى بولىگىنە تەحنيكالىق ەرەكشەلىكتەرگە جانە ازىرلەنىپ جاتقان ستاندارتتارعا وزگەرىستەر ەنگىزىلدى. اتاپ ايتقاندا، دالالىق كيىم نىسانى.

2016 جىلى قورعانىس ءمينيسترى قازاقستان اۋماعىندا ءپولياميدتى جىپتەردەن (كۇرتەشەلەر، مەمبرانالىق قۇرامدارعا سىڭدىرۋگە سالىنعان ماتالار)، پوليەفيرلى جىپتەردەن، ريپستوپ جانە تاعىدا باسقادا ماتالار ءوندىرۋ مۇمكىندىگىن قاراستىرۋدى تاپسىردى.

2016-2017 جىلدارى اسكەردە ۇسىنىلعان ماتا تۇرىنەن جاسالعان كيىم-كەشەك قولدانىلدى، الايدا ونىڭ ساپاسى تومەن، مەرزىمىنەن بۇرىن تەز توزااتىن بولىپ شىقتى.

اسكەري بولىمدەر مەن مەرزىمدى قىزمەتتەگى ىسكەري قىزمەتشىلەردىڭ اتا-انالارىنىڭ تاراپتارىنان تۇسكەن سانسىز شاعىمدارىنان كەيىن، اسكەري بولىمدەر مەن مەرزىمدى قىزمەتتەگى اسكەري قىزمەتشىلەردىڭ اتا-انالارى تاراپىنان دالالىق كيىم-كەشەك ماتاسىنىڭ ساپاسىنا، ساربازداردىڭ قىس مەزگىلىندە توڭىپ، سىرقاتتانۋىنا بايلانىستى تەحنيكالىق ەرەكشەلىكتەردى قايتا قاراۋ جانە «قازاقستان ينجينيرينگ ۇك» اق مەن «جاسامپاز» كونسورتسيۋمىنىڭ بۇرىنعى ەسكەرتۋلەرى مەن ۇسىنىستارى نەگىزىندە وزگەرىستەر ەنگىزۋ تۋرالى شەشىم قابىلداندى.

«ريپستوپ» دەگەن ماتانىڭ ءتۇرى قانداي؟

ريپستوپ – بۇل دالالىق كيىمدەگى ماتا بولىپ تابىلادى. ول  ادەتتە پوليەستەردەن نەمەسە نەيلوننان جاسالعان، ارميلەنگەن ءجىپتىڭ ارقاسىندا ماتانىڭ سالماعى مەن تاعىزدىعىن ساقتالادى، سونىمەن قاتار جوعارى توزىمدىلىككە يە.

ريپستوپ ماتاسى سۋ وتكىزبەۋشىلىگى، سۋ مەن وتقا توزىمدىلىگى، سالماعى، سىندى تەكستۋرانىڭ ءتۇرلى سيپاتتامالارمەن تالاپتارعا سايكەس وندىرىلەدى. بۇل سيپاتتامالار دالا جاعدايىندا، وقۋ-جاتتىعۋ جانە ساباق كەزىندە وتە ماڭىزدى بولىپ تابىلادى.  

پوليۋرەتاندى توسەمى بار كيىم-كەشەككە قاتىستى جاڭا تالاپ قابىلداۋ تۋرالى شەشىم نە ءۇشىن قابىلداندى؟ جانە ول نەگە قاجەت بولدى؟

اسكەري كيىم نىسانىن جاقسارتۋ ماقساتىندا اسكەري قىزمەتشىلەردىڭ پىكىرلەرى مەن شەشىمدەرى، سونىمەن قاتار، قر ۇقك شەكارا قىزمەتىنىڭ تاجىريبەسىنە سۇيەنە وتىرىپ، 2019 جىلدىڭ قاڭتار ايىندا قۇرامىندا پوليۋرەتاندى توسەمنەن تۇراتىن ماتادان جاسالعان دالالىق جىلى كۇرتەشەنى ۇلگى رەتىندە دايىنداۋ ۇسىنىلعان بولاتىن.

بۇل شەشىمدى تالاپ دەپ ايتۋ قاتە، سەبەبى قورعانىس مينيسترلىگى وتاندىق تاۋاردى جەتكىزۋشىلەرگە دالالىق كيىمنىڭ سىنامادان وتكەن تۇرلەرىن دايىنداپ بەرۋ ۇسىنىلدى. ءوز كەزەگىندە تاۋار جەتكىزۋشىلەرمەن ۇلگى ءۇشىن جاسالعان توپتامانى جەتكىزۋ جانە تاجىريبەلى اسكەري كيىم كيىلۋ جۇرگىزۋدى ۇيىمداستىرۋ تۋرالى كەلىستىك.

2019 جىلدىڭ باسىندا مقت-2019 اياسىندا ساتىپ الىناتىن دالالىق قىسقى نىساندى كيىم-كەشەكتىڭ كولەمى 10 000 جۋىق پوليۋرەتاندى توسەمدى جيىنتىعىن الۋ تۋرالى بەكىتىلگەن. قارۋلى كۇشتەرگە ول جيىنتىق وتكەن جىلدىڭ اياعىندا كەلىپ ءتۇستى جانە 2020 جىلدىڭ اقپان ايىنان باستاپ كيىمدى تاجىريبە رەتىندە اسكەرلەرگە بەرۋگە دايىن.

تاجىريبەلىك كيىم كيىلىپ تەكسەرۋدەن (سىناق مەرزىمى -  6-10 اي) وتكەن سوڭ ولاردىڭ تالداۋ مەن ودان ءارى قولدانۋدىڭ ۇسىنىستارى بويىنشا قورىتىندى قابىلداندى.

دالالىق كيىم جەكە اسكەري قىزمەتشى مەن جالپى قر قك-ءنىڭ جاۋىنگەرلىك ازىرلىكتى انىقتاپ قانا قويماي، قازىرگى زاماننىڭ تالابىنا ساي بولۋ كەرەكتىگىن ءتۇسىنۋ قاجەت.

بۇل تەكسەرۋ ءتارتىبى ماتانى تاجىريبەدە تەكسەرۋ قاجەت، ونىڭ بەرىلگەن سيپاتتاماسى راستالسا، 2021 جىلدان مينيسترلىك ونىڭ ساتىپ الۋعا كىرىسەدى.

ءبىزدىڭ اسكەري قىزمەتشىلەرگە ارنالعان اسكەري كيىم نىسانىن دايىندايتىن جەتكىزۋشىلەر كىمدەر؟

مەملەكەتتىك قورعانىس تاپسىرىسى بويىنشا ساتىپ الىناتىن 96 % دەيىن قاجەتتى م ۇلىكتى مينيسترلىك وتاندىق تاۋار وندىرۋشىلەرگە تاپسىرىس بەرۋدى ءجون كورەدى.  ايتا كەتسەك، قالعان 4 % - مەملەكەتتىك ساتىپ الۋدىڭ قازاقستاندىق مۇگەدەكتەر قوعامى اراسىندا كونكۋرس جاريالاۋ ارقىلى تاپسىرىس بەرىلەدى. 

سوڭعى جاڭالىقتار

ۇقساس جاڭالىقتار