ستۋدەنت قىزدى زورلاعان كۇدىكتى ۇستالدى

ايماقتار • 28 اقپان، 2020

ستۋدەنت قىزدى زورلاعان كۇدىكتى ۇستالدى

265 رەت كورسەتىلدى

وڭىردەگى اققۋلى اۋدانى، مايقاراعاي اۋىلىنىڭ مەكتەبىنە پراكتيكالىق-تاجىريبەدەن ءوتۋ ءۇشىن كەلگەن 19 جاستاعى قىزدى زورلاعان ەر ادام قاماۋعا الىندى.

فاريدا بىقاي

بۇل تۋرالى باق وكىلدەرىمەن بولعان جيىندا وبلىستىق پوليتسيا دەپارتامەنتى باستىعىنىڭ ورىنباسارى ەلدار ابدىكەنوۆ ءمالىم ەتتى.

- وقيعا 25 اقپان كۇنى، تۇنگى ساعات 23:30-دا ورىن العان، - دەدى ەلدار ابدىكەنوۆ. – 26 اقپان كۇنى تاڭەرتەڭ اۋداندىق پوليتسيانىڭ كەزەكشى بولىمىنە ازاماتشا ارىز ءتۇسىردى. ءبىر تاۋلىك ىشىندە پوليتسيا قىزمەتكەرلەرى كۇدىكتىنى كورشى اۋىلدان قولعا تۇسىرگەن.

قازىر قىز زورلاۋ فاكتىسىنە سايكەس قىلمىستىق كودەكستىڭ 120 جانە 121-باپتارى بويىنشا سوتقا دەيىنگى تەرگەۋ جۇرگىزىلۋدە.

بىرقاتار ساراپتامالار تاعايىندالدى. جاعداي دەپارتامەنت باسشىسىنىڭ تولىق باقىلاۋىندا. مايقاراعاي اۋىلىنىڭ 30 جاستاعى تۇرعىنى ءوز كىناسىن مويىنداپ وتىر. كۋاگەرلەر دە بار.

ەلدار ابدىكەنوۆ ەر ادام مەن جابىرلەنۋشى قىزدىڭ تانىس بولماعانىن ايتتى. سونىمەن قاتار، كۇدىكتىگە قاتىستى وسى ۋاقىتقا دەيىن دە باسقا دا سوت ىستەرى قوزعالعان.

-كۇدىكتى ادامعا قاتىستى 2010 جىلى سەكسۋالدىق سيپاتتاعى زورلىق-زومبىلىق ارەكەتتەرىن جاساعانى تۋرالى شاعىم تۇسكەن. الايدا، ارىز جازىلماعاندىقتان سوت ءىسى قوزعاماعان.

ال، 2017 جانە 2018 جىلدارى مال ۇرلىعىنا بايلانىستى جاۋاپقا تارتىلىپ، قىلمىستىق ىستەر سوتقا جىبەرىلگەن. كەيىن ەكى تاراپتىڭ ءوزارا كەلىسىمگە كەلۋىنە بايلانىستى بۇل ىستەر توقتاتىلعان، - دەدى پوليتسيا دەپارتامەنتى باستىعىنىڭ ورىنباسارى.

بۇعان دەيىن زورلاۋ ءىسى تۋرالى «نە مولچي» قوعامدىق قورىنىڭ كوشباسشىسى دينا سمايلوۆا ءوزىنىڭ Facebook پاراقشاسىندا جازعان-دى.

پاۆلودار وبلىسى،

اققۋلى اۋدانى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز