ەلوردا • 28 اقپان، 2020

ەلوردادا Nur Otan پارتياسىنىڭ قۇرىلعانىنا 21 جىل تولۋىنا وراي ءىس-شارا ءوتتى

9 رەتكورسەتىلدى

پارتيانىڭ قالالىق فيليالىنىڭ توراعاسى التاي كولگىنوۆ پارتيا كۇنىمەن قۇتتىقتاپ، بەلسەندى پارتيا مۇشەلەرىنە العىس حاتتار مەن پارتيا بيلەتتەرىن تابىس ەتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«پارتيا دامۋىنىڭ ءۇشىنشى ونجىلدىعىنىڭ باسى جاڭا رەاليالار مەن ۋاقىتتىڭ سىن-قاتەرىن ەسكەرە وتىرىپ، پارتيانى جاڭارتۋمەن ەرەكشەلەندى. ەلباسى اتاپ وتكەندەي، Nur Otan جەتەكشى ساياسي كۇش رەتىندە قوعامدى جۇمىلدىرۋى ءتيىس. يندۋستريالىق، ينفراقۇرىلىمدىق باعدارلامالار، اۋىل شارۋاشىلىعى، مەديتسينا، حالىقتى اعارتۋ جۇمىستارى - پارتيانىڭ باسىم باعىتتارى بولىپ تابىلادى. ەلوردامىز ءوسىپ كەلەدى. وسىعان وراي تۇرعىن ۇيلەر مەن الەۋمەتتىك نىساندار سالىنىپ جاتىر. كاسىپكەرلەرگە جان-جاقتى قولداۋ كورسەتىلىپ جاتىر.

قالامىزدىڭ جەتىستىكتەرى پارتيا مۇشەلەرىنىڭ كۇندەلىكتى اتقارىپ جاتقان جۇمىسىمەن تىعىز بايلانىستى. ولار حالىقپەن كەرى بايلانىستى نىعايتىپ، تۇرعىندار كوتەرگەن ماسەلەلەردى شەشۋگە ەتەنە ارالاسىپ وتىر. پارتيا مۇشەلەرى مەملەكەت باسشىسى – قاسىم-جومارت كەمەل ۇلى توقاەۆتىڭ «حالىق ۇنىنە قۇلاق اساتىن مەملەكەت" تۇجىرىمداماسىن جۇزەگە اسىرۋ جولىندا ەڭبەكتەنىپ جاتىر» دەدى Nur Otan پارتياسى قالالىق فيليالىنىڭ توراعاسى التاي كولگىنوۆ.

ەلوردا اكىمى التاي كولگىنوۆ تۇرعىندار پارتيانىڭ ناقتى ماسەلەلەردى شەشۋدە قالاي جۇمىس جاساپ جاتقاندىعىن كورۋى ءتيىس ەكەنىن اتاپ ءوتتى. اتقارىلىپ جاتقان جۇمىستار پاتەر يەلەرى كووپەراتيۆتەرىنىڭ ماسەلەلەرىن شەشۋگە، اباتتاندىرۋعا، الەۋمەتتىك نىساندار سالۋعا، ينفراقۇرىلىم سياقتى ناقتى باعىتتاردى ىلگەرىلەتۋگە باعىتتالۋى ءتيىس.

كەزدەسۋدە «ورتالىق تەمىرجول اۋرۋحاناسىنىڭ» جشس ديرەكتورىنىڭ مەيىربيكە ءىسى جونىندەگى ورىنباسارى راۋشان ابدراحمانوۆا وسى ۋاقىتقا دەيىن ورتالىق تەمىرجول اۋرۋحاناسىنىڭ ەسكى عيماراتىندا جۇمىس جاساعانىن ايتتى. بۇل اۋرۋحانادا 60 جىل ىشىندە بىردە-ءبىر كۇردەلى جوندەۋ جۇمىستارى جاسالماعان.

«بلوكتاردا جوندەۋ جۇمىستارى جۇرگىزىلىپ، جاڭا كورپۋسقا كوشتىك. دارىگەرلەر مەن پاتسيەنتتەر ريزا. ەندى پالاتالاردىڭ جاعدايىنا ەشكىم شاعىمدانبايدى، اۋدان تۇرعىندارى دا قۋانىپ جاتىر» دەدى ول.

پارتيانىڭ قالالىق فيليالى جۇيەلى نەگىزدە قوعامدىق قورلارمەن، مەديتسينالىق جانە ءبىلىم بەرۋ مەكەمەلەرىمەن، ۇلتتىق ورتالىقتارمەن بىرلەسە جۇمىس جاسايدى. 300 ملن.تەڭگەدەن استام قاراجاتقا الەۋمەتتىك كومەك كورسەتۋ بويىنشا 70 ءىس-شارا وتكىزىلدى. وتكەن جىلى شامامەن 8 مىڭ ادام فيليالدىڭ قوعامدىق قابىلداۋىنا جۇگىندى. بۇل رەتتە 60% - دان استام سۇراقتار شەشىمىن تاپتى. قالعاندارى جۇمىسقا الىندى. مەملەكەت باسشىسىنىڭ «قۇتتى مەكەن»، «حالىققا كومەك»، «باقىتتى وتباسى» اتتى ۇلتتىق جوبالارى جۇزەگە اسىرىلىپ جاتىر.


سوڭعى جاڭالىقتار

ۇقساس جاڭالىقتار