وسىعان بايلانىستى قالانىڭ سولتۇستىك-شىعىس بولىگىندەگى بىرنەشە شاعىناۋدان سۋسىز قالىپ, ساياجاي اۋماعىن كارىزدىڭ لاس سۋى باسۋ قاۋپى ءتوندى.
«اپات سالدارىن جويىپ, جەدەل قالپىنا كەلتىرۋ شارالارى كۇنى-ءتۇنى ءجۇرىپ جاتىر. «باتىس سۋ ارناسى» جشس مەن توتەنشە جاعدايلار دەپارتامەنتىنىڭ اپاتتىق بريگادالارى – بارلىعى 57 ادام, 9 موتوسورعىش, 18 تەحنيكا وقيعا ورنىندا ءجۇر» دەپ حابارلادى باتىس قازاقستان وبلىسىنىڭ اكىمى عالي ەسقاليەۆ تۇرعىنداردى سابىرعا شاقىرىپ.
دىنمۇحامەت قوناەۆ اتىنداعى, سولتۇستىك-شىعىس, قۇرىلىسشى جانە №4 شاعىناۋدانداردان شىعاتىن كارىز سۋىن شاعان جاعالاۋى كوشەسىندەگى باستى قۇبىرعا قوسۋ جۇمىسى جۇرگىزىلگەن. اتالعان شاعىناۋداندارعا جانە اۋرۋحانا, مەكتەپ, بالاباقشا سەكىلدى الەۋمەتتىك نىساندارعا اۋىز سۋ تاسىمالداپ جەتكىزىلىپ جاتىر.
«ۇيىنەن شىعا المايتىن تۇرعىندار «109» نومىرىنە حابارلاسسا, اۋىز سۋدى ۆولونتەرلەر ۇيگە دەيىن جەتكىزىپ بەرەدى. كاسىپكەرلەردەن اۋىز سۋ باعاسىن كوتەرمەۋدى, مۇمكىن بولسا ارزانداتۋدى سۇرايمىز» دەدى ءوڭىر باسشىسى الەۋمەتتىك جەلى ارقىلى قالا تۇرعىندارىنا ۇندەۋ جاساپ.
باتىس قازاقستان
