ايماقتار • 28 اقپان، 2020

VII حالىقارالىق جۋرناليستيكا جانە كوممۋنيكاتسيا قىسقى مەكتەبى ءوتتى

10 رەتكورسەتىلدى

قازاق ۇلتتىق ۋنيۆەرسيتەتى مەن قازاقستانداعى يۋنەسكو-نىڭ باستاماسىمەن بۇكىل الەمدىك راديو كۇنىنە جانە ءابۋ ناسىر ءال-ءفارابيدىڭ 1150 جىلدىق مەرەيتويىنا ارنالعان VII حالىقارالىق جۋرناليستيكا جانە كوممۋنيكاتسيا قىسقى مەكتەبى ءوتتى، دەلىنگەن ۋنيۆەرسيتەتتىڭ ءباسپاسوز جانە ەلەكتروندى باق كافەدراسىنىڭ حابارلاماسىندا.

«راديو - بارلىعىنا ارنالعان پلاتفورما: يدەيالار گەنەراتسياسىنان – يننوۆاتسياعا» دەپ اتالدى. قىسقى مەكتەپتىڭ ءداستۇرلى ورنى - الماتى ماڭىنداعى ىلە-الاتاۋ مەملەكەتتىك ۇلتتىق ساياباعىندا ورنالاسقان «تاۋ-تۇران» كەشەنى. حالىقارالىق فورۋمعا جۋرناليستەر، باق قىزمەتكەرلەرى، عالىمدار، وقىتۋشىلار، جاس زەرتتەۋشىلەر، ستۋدەنتتەر، قوعامدىق ۇيىمداردىڭ وكىلدەرى، ورتالىق ازيا رەسپۋبليكالارىنىڭ، قازاقستان، وزبەكستان، قىرعىزستان، سونىمەن قاتار شەت ەلدەر - تۇركيا، اۋعانستان جانە ت.ب. وقۋ ورىندارىنىڭ باسشىلارى قاتىستى. دارىسكەرلەر مەن سپيكەرلەر قۇرامىندا ۇلتتىق جانە حالىقارالىق باق-تىڭ، ونلاين-مەديانىڭ ۆەب-رەداكتورلارى جانە كونتەنت-رەداكتورلار بولدى.

قىسقى مەكتەپتىڭ اشىلۋىندا، ونىڭ جالپى وتىرىسىندا يۋنەسكو-نىڭ قازاقستان، قىرعىزستان، تاجىكستان جانە وزبەكستانداعى الماتى كلاستەرلىك بيۋروسىنىڭ وكىلى، بايلانىس جانە اقپارات سالاسىنىڭ مامانى سەرگەي كارپوۆ، ءال-فارابي اتىنداعى قازۇۋ-دىڭ جۋرناليستيكا فاكۋلتەتىنىڭ دەكانى ساعاتبەك مەدەۋبەك، قاجى بايرام ۋنيۆەرسيتەتىنىڭ جۋرناليستيكا فاكۋلتەتىنىڭ دەكانى تۇركيادان كەلگەن زاكير اۆشار، TOLOnews تۆ-ءنىڭ ساياسي شولۋشىسى، اۋعانستاننان كەلگەن ابۋ مۋسليم شيرزاد، قازاقستاننان كەلگەن عالىمدار قاتارىندا دوتسەنت گۇلنار اسانباەۆا، ۋمەد پروفەسسورى وزبەكستاننان فاتيما مۋمينوۆا، دج.بالاساعۇن اتىنداعى قۇۋ دوتسەنتى قىرعىزستاننان ايتا سۋلتاناليەۆا، نازارباەۆ ۋنيۆەرسيتەتىنەن ساراپشى پەتر لاپو جانە ت.ب.

ءۇش كۇندىك فورۋم جۋرناليستەر، راديو جۇرگىزۋشىلەرى، ينتەرنەت-سۇحبات بەرۋشىلەر، مەديا-كوممۋنيكاتورلار، پودكاستقا قاتىسۋشىلار جانە باسقا دا مەديا مامانداردىڭ قىزىقتى، ينتەراكتيۆتى سوزدەرىنە تولى بولدى. ديالوگ الاڭى ينتەرنەت قىزمەتتەرىنە جانە شەت ەلدەردىڭ تاجىريبەلى راديوجۋرناليستەرىمەن بايلانىسقا ۇلاستى.

 

 

الماتى

سوڭعى جاڭالىقتار

ۇقساس جاڭالىقتار