قوعامدىق كەڭىستىكتەردى اباتتاندىرۋ بويىنشا ءۇش جوبا جۇزەگە اسادى. تاراتا ايتار بولساق, ولاردىڭ قاتارىندا گاگارين داڭعىلى بويىنداعى شەۆچەنكو جانە جامبىل كوشەلەرى اراسىنداعى جامبىل اتىنداعى گۇلزار, جامبىل-روزىباكيەۆ جانە جامبىل-قوجامقۇلوۆ كوشەلەرى قيىلىستارىنداعى بوس اۋماقتار, سونىمەن قاتار اۋلا ىشتەرىندەگى 5 بالالار جانە سپورت الاڭدارى بار.
«بيۋدجەتكە قاتىسۋ» پيلوتتى جوباسى اياسىندا ازاماتتار جوبالاردى تاڭداۋعا جانە ونى جۇزەگە اسىرۋعا قاتىسادى. Open Almaty پورتالى ارقىلى جوبا تۇرعىندار تاراپىنان تالقىلانىپ, ۇسىنىستارى ايتىلادى.
اۋداندى اباتتاندىرۋ بويىنشا ءسوز قوزعاعان اۋدان اكىمنىڭ ايتۋىنشا, وتكەن جىلى 2 جاڭا الاڭ سالىنىپ, 23-ءى جوندەۋدەن وتكەن. سونداي-اق, جاياۋ جۇرگىنشىگە ارنالعان جىبەك جولى, بايسەيىتوۆا جانە دۇيسەنوۆ كوشەلەرى جاڭارتىلدى. تاستاق ىقشاماۋدانىنىڭ ورتالىعى كەڭەيىپ, پروكوفەۆ كوشەسىنىڭ تولە بي كوشەسىنەن بريۋللوۆ كوشەسىنە دەيىنگى بولىگى رەتكە كەلتىرىلدى.
الماتى
