وڭتۇستىك قازاقستان • 28 اقپان، 2020

«رۋحاني جاڭعىرۋ» باعدارلاماسى اياسىندا الماتىدا 200 جوبا جۇزەگە اساتىن بولادى

15 رەتكورسەتىلدى

الماتى قالاسى اكىمدىگىندە «رۋحاني جاڭعىرۋ» باعدارلاماسىنىڭ وتكەن جىلى اتقارىلعان جۇمىستارى مەن اعىمداعى كەزەڭگە ارنالعان جۇمىس جوسپارىنا قاتىستى بريفينگ ءوتتى.

جيىنعا قاتىسۋشىلار اعىمداعى جىلعا ارنالعان ءىس-شارالار جوسپارىمەن تانىستى. سونىمەن قاتار، الدا ارحەولوگيالىق مۇراجاي كەشەندەرىن، اشىق اسپان استىنداعى مۇراجايلاردى قۇرۋ بويىنشا جۇمىستار جالعاستىرىلاتىن بولادى. 2020 جىلعا ارنالعان «رۋحاني جاڭعىرۋ» باعدارلاماسىن ىسكە اسىرۋ جوسپارى 200 جوبانى قامتيدى، وعان 211 ءىس-شارا كىرەدى. بۇل جوسپار 3 نەگىزگى باعىتتى جۇزەگە اسىرۋعا باعىتتالعان. ءبىرىنشى باعىت-جەكە تۇلعانى دامىتۋ (68 شارا); ەكىنشى باعىت-ۇلتتى دامىتۋ جانە حالىقارالىق ۇستانىم (58 شارا); ءۇشىنشى باعىت-مەملەكەتتى، قوعامدى، جەرگىلىكتى قوعامداستىقتى دامىتۋ (85 شارا).

الماتى قالاسى بويىنشا «رۋحاني جاڭعىرۋ» جوبالىق ءوفيسىنىڭ جەتەكشىسى گۇلنار قوڭىروۆانىڭ ايتۋى بويىنشا ء«بىرىنشى باعىت بويىنشا – تۇلعانى دامىتۋ باسەكەگە قابىلەتتى  قازاقستاندىقتىڭ  پاتريوتتىق بەينەسىن قۇرۋعا باعىتتالعان.

«اعىمداعى جىل يۋنەسكو-نىڭ كۇنتىزبەسىنە  شىعىس ويشىلى ءابۋ ناسىر ءال-ءفارابيدىڭ 1150 جىلدىعى مەن ۇلى ابايدىڭ 175 جىلدىعى ەنگىزىلگەن مەرەيتويلىق داتالارمەن بەلگىلەنگەن. وسىعان بايلانىستى، جوسپارعا 38 شارا ەنگىزىلدى، شارا ولاردىڭ مىزعىماس مۇراسىن كەڭىنەن ناسيحاتتايدى. بۇل Abai Street Fest اشىق اسپان استىنداعى فەستيۆالدىڭ تەاترلاندىرىلعان قويىلىمى، ونىڭ اياسىندا «جەلسىز تۇندە جارىق اي» تاقىرىبىندا «مۋزەيدەگى ءتۇن» اكتسياسىن، «اباي weekend» فەستيۆالىن، Farabi World جاس عالىمدار فورۋمىن جانە ءال-ءفارابيدىڭ مەرەيتويىنا ارنالعان حالىقارالىق كونفەرەنتسيانى وتكىزۋ كوزدەلگەن. بيىلعى جىلدىڭ اقپان ايىندا جەتىسۋ اۋدانىندا ابايدىڭ ءمۇسىنى ورناتىلدى».

سونداي-اق «جاڭا گۋمانيتارلىق ءبىلىم: قازاق تىلىندەگى 100 جاڭا وقۋلىق» ارنايى جوباسىن جۇزەگە اسىرۋ اياسىندا قالانىڭ جوعارى وقۋ ورىندارى 7 وقۋلىق پەن وقۋ قۇرالىن اۋدارۋعا جانە شىعارۋعا باستاما جاسادى، بۇل جوسپارلانعان 100 وقۋلىقتان بولەك. باعدارلامالىق ماقالا شىققانىنا 3 جىل تولۋىنا وراي جوعارى وقۋ ورىندارى ءۇشىن «رۋحاني جاڭعىرۋدى تانۋ نەگىزدەرى» كونتسەپتۋالدى وقۋلىعىن باسىپ شىعارۋ جوسپارلانعان.

ەكىنشى باعىت بويىنشا – ۇلتتى دامىتۋ جانە حالىقارالىق ۇستانىم بويىنشا «جاھاندىق الەمدەگى قازاقستاندىق زاماناۋي مادەنيەت» ارنايى جوباسى ەرەكشە ورىن الادى. وعان مۋزىكالىق مۇرانى ىلگەرىلەتۋ جانە ءتۇرلى ەلدەرمەن شىعارماشىلىق بايلانىسىن  كەڭەيتۋ ءۇشىن حالىقارالىق فەستيۆالدەر  ەنگەن. بۇل ءبولىم «قازاقستاننىڭ كيەلى كارتاسى» جوباسىن ىسكە اسىرۋدى قامتيدى.

اعىمداعى جىلى ارحەولوگيالىق مۇراجاي كەشەندەرىن، اشىق اسپان استىنداعى مۇراجايلاردى قۇرۋ بويىنشا جۇمىستار جالعاستىرىلاتىن بولادى. دالا فولكلورى مەن مۋزىكاسىن تانىمال ەتۋ ماقساتىندا سازگەن-سازى فولكلورلىق-ەتنوگرافيالىق ءانسامبلىنىڭ سانكت-پەتەربۋرگكە، سونداي-اق قۋىرشاقتار تەاترىنىڭ پولشا مەن بولگارياعا ارنالعان حالىقارالىق فەستيۆالگە شەتەلدىك گاسترولدەرى جوسپارلانعان.

«باي ادەبي مۇرانى ساقتاۋ ماقساتىندا وسىمەن ءۇشىنشى جىل قاتارىنان حالىقارالىق جازۋشىلار فورۋمى وتەدى، ول قازىرگى زاماننىڭ اتاقتى جازۋشىلارىن جينايدى جانە الەمنىڭ ءتۇرلى ەلدەرىنىڭ جازۋشىلارى مەن ادەبيەتشىلەرى ءۇشىن ديالوگ الاڭىنا اينالادى»، – دەپ حابارلادى گ. قوڭىروۆا.

«بورالداي ساق قورعاندارى» ارحەولوگيالىق پاركىندە قازاق جانە بۇكىل تۇركى الەمىنىڭ تاريحي، مادەني مۇراسىن كوپشىلىككە تاراتۋ ءۇشىن « ۇلى دالا – كوشپەندىلەر الەمى» حالىقارالىق ەتنوگرافيالىق فەستيۆالى وتەدى.

ءۇشىنشى باعىت بويىنشا – مەملەكەتتىڭ، قوعامنىڭ، جەرگىلىكتى قاۋىمداستىقتىڭ دامۋى نەگىزىنەن «تۋعان جەر» ارنايى جوباسىن قامتيدى. تۋعان جەرگە،  ونىڭ مادەنيەتىنە، ادەت-عۇرپىنا، داستۇرلەرىنە ەرەكشە كوڭىل بولىنەدى، بۇل ءپاتريوتيزمنىڭ كورىنىسى بولىپ تابىلادى. ونىڭ قۇرامىنان  قالالىقتاردىڭ تىكەلەي قاتىسۋىمەن وتەتىن اۋداندىق، قالالىق اۋقىمداعى شارالار-شىعارماشىلىق كونكۋرستار، اكتسيالار كىرەدى.

 

 

الماتى

سوڭعى جاڭالىقتار

ۇقساس جاڭالىقتار