ايماقتار • 27 اقپان، 2020

الماتىدا العىس ايتۋ كۇنىنە وراي سالتاناتتى ءىس-شارا ءوتتى

63 رەتكورسەتىلدى

دوستىق پەن بىرلىكتى تۋ ەتكەن سالتاناتتى شارانى «زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحاناسى» ۇيىمداستىرىلدى. مەرەكەلىك شاراعا كىتاپحانا وقىرماندارى مەن ونەرپازدار جانە مەكەمە ۇجىمى قاتىستى.

«العىس ايتۋ پارىزىم» تاقىرىبىمەن وتكەن كەشكە كىتاپحانا ديرەكتورىنىڭ ورىنباسارى ماحسۇت جۇمابەكوۆ قۇتتىقتاۋ ءسوز سويلەپ، «بارشاڭىزدى العىس ايتۋ كۇنىمەن شىن جۇرەكتەن قۇتتىقتايمىن! بۇل مەرەكە قيىن-قىستاۋ ۋاقىتتا قازاق حالقىنىڭ كورسەتكەن قامقورلىعىنىڭ ۇمىتىلمايتىنىن بىلدىرەدى. بۇل ايتۋلى مەرەكە حالقىمىزدىڭ تاتۋ-ءتاتتى، بەرەكە-بىرلىكتە ءومىر ءسۇرۋى ءۇشىن وتە ماڭىزدى. قازىرگى جاستار، تاريحىمىزدى ءبىلىپ، ەستە ساقتاۋى كەرەك. ويتكەنى، تاريح تاعىلىمى شىنايى پاتريوتيزم مەن بىرلىكتىڭ ۇلگىسىن كورسەتەدى»،- دەپ اتاپ ءوتتى.

كەش بارىسىندا ادەبي-سازدى «نەزابۋدكا» بىرلەستىگىنىڭ مۇشەلەرى وزدەرىنىڭ جۇرەكجاردى العىستارىن ولەڭ شۋماقتارىمەن جەتكىزىپ، «ونەر ورىمدەرى» بىرلەستىگىنىڭ مۇشەسى ايشا سادىرباەۆا ءان شىرقادى.

 

 الماتى

سوڭعى جاڭالىقتار

ۇقساس جاڭالىقتار