ايماقتار • 27 اقپان، 2020

قوستاناي: 900-گە جۋىق بالا كەپىلدەندىرىلگەن الەۋمەتتىك پاكەت الدى

18 رەتكورسەتىلدى

بۇگىن قوستاناي قالاسىنىڭ اكىمدىگى مەن «Rauzet ساۋدا» سەرىكتەستىگىنىڭ وكىلدەرى  كوپ بالالى وتباسىلارعا ارنالعان ازىق-ت ۇلىك جانە گيگيەنالىق پاكەتتەردى تاپسىردى. كەپىلدەندىرىلگەن الەۋمەتتىك پاكەت العانداردىڭ ىشىندە كوپ بالالى بەكجانوۆتار وتباسى دا بار.

- ۇلكەنىم 19 جاستا، كەنجەم  - توميريس  ءبىر جارىم جاسقا كەلدى.  سەگىز جىل بويىنا باسپانا كەزەگىندە تۇرىپ، جاتاقحانانىڭ تار بولمەسىندە قينالىپ كەلىپ ەدىك. وتكەن جىلى مەملەكەتتىك باعدارلاما ارقىلى باسپاناعا دا قول جەتكىزدىك. ەندى، مىنە، الەۋمەتتىك پاكەتتى ۇيگە جەتكىزىپ بەرىپ جاتىر. قورجىنى باي ەكەن. العىستان باسقا ايتارىم جوق، – دەدى بەس بالانىڭ اناسى گۇلميرا بەكجانوۆا.

مەكتەپكە دەيىنگى بالالارعا ارنالعان الەۋمەتتىك پاكەت بالانىڭ جاس ەرەكشەلىگىنە بايلانىستى ەكى ساناتقا بولىنگەن. 1-3 جاس ارالىعىنداعى سابيلەرگە  ارنالعان پاكەتتە ۋلتراپاستەرلەنگەن ءسۇت، ءتاتتى پىسپە نان، جۇگەرى جانە جارما ۇنتاعى، گيپواللەرگەندى بوتقا، ال  3-6 جاس ارالىعىنداعى بالالارعا ماكارون، كۇنباعىس مايى، گەماتوگەن، تاڭەرتەڭ ىشەتىن ءسۇت تۇيىرشىكتەرى، بال بار.

گيگيەنالىق پاكەتتە بالالارعا ارنالعان كرەم، سابىن، ءتىس پاستاسى، سۋسابىن، ءتىس ششەتكاسى مەن كىر جۋاتىن ۇنتاق بار ەكەن. ولار ءار وتباسىنا توقساندا ءبىر رەت بەرىلەتىن بولىپ شىقتى.

– وبلىس ورتالىعى بويىنشا 1-دەن 6 جاسقا دەيىنگى 891 بالا تاماق ونىمدەرى مەن گيگيەنالىق قۇرالدارى بار پاكەت الادى. الەۋمەتتىك پاكەت بالاعا 10 كۇننىڭ ىشىندە جەتكىزىلەتىن بولادى، – دەدى قالا اكىمدىگىنە قاراستى جۇمىسپەن قامتۋ جانە الەۋمەتتىك باعدارلامالار ءبولىمىنىڭ باستىعى اقبوپە ماناتوۆا.

 

قوستاناي

سوڭعى جاڭالىقتار

ۇقساس جاڭالىقتار