سولتۇستىكقازاقستاندىق كاسىپكەرلەر وتاندىق تاۋارلار مەن ونىمدەردىڭ ساپاسى مەن باسەكەلەستىك قارىمىن ارتتىرۋعا باعىتتالعان ءتۇرلى كونكۋرستارعا ۇزبەي قاتىسىپ كەلەدى. جاقىندا «قازاقستاننىڭ ۇزدىك تاۋارى» وڭىرلىك بايقاۋ-كورمەسىنىڭ قورىتىندىسى شىعارىلىپ, وبلىس اكىمى سامات ەسكەندىروۆ جەڭىمپازدار مەن جۇلدەگەرلەردى ماراپاتتادى.
سولتۇستىكقازاقستاندىق كاسىپكەرلەر وتاندىق تاۋارلار مەن ونىمدەردىڭ ساپاسى مەن باسەكەلەستىك قارىمىن ارتتىرۋعا باعىتتالعان ءتۇرلى كونكۋرستارعا ۇزبەي قاتىسىپ كەلەدى. جاقىندا «قازاقستاننىڭ ۇزدىك تاۋارى» وڭىرلىك بايقاۋ-كورمەسىنىڭ قورىتىندىسى شىعارىلىپ, وبلىس اكىمى سامات ەسكەندىروۆ جەڭىمپازدار مەن جۇلدەگەرلەردى ماراپاتتادى.
47 ۇمىتكەردىڭ اراسىنان قارا ءۇزىپ شىققان ەڭ تاڭداۋلىلار 3 اتالىم بويىنشا ديپلومدار يەلەندى. «وندىرىستىك ماقساتتاعى ءۇزدىك تاۋارلار» اتالىمى بويىنشا «س.م.كيروۆ اتىنداعى زاۋىت» اق-قا – 1-ءشى, «مۇنايماش» اق-قا – 2-ءشى, «جىلدام تۇرعىزىلاتىن عيماراتتار مەن يماراتتار زاۋىتى» جشس-ىنە 3-ءشى دارەجەلى ديپلوم تابىس ەتىلسە, «تۇرعىندارعا ارنالعان ۇزدىك تاۋارلار» اتالىمى بويىنشا جەكە كاسىپكەر ۆالەري ماكاروۆ, م.جۇماباەۆ اۋدانىنىڭ جەكە كاسىپكەرى ايداربەك قالدىروۆ, «ۋنيۆەرسال-سەۆەر» جشس ۇزدىكتەر قاتارىنان كورىندى. «ۇزدىك ازىق-ت ۇلىك تاۋارلارى» اتالىمى بويىنشا «سۇلتان ەلەۆاتور-ديىرمەن-ماكارون كەشەنى» اق, اققايىڭ اۋدانىنداعى «روستان» جشس, عابيت مۇسىرەپوۆ اتىنداعى اۋداننىڭ جەكە كاسىپكەرى پاۆەل يششەنكو ماداقتالدى. «ميچۋرين كىرپىش زاۋىتى» جشس, جەكە كاسىپكەر پەتر زىكوۆ, «ەكپىن-2002» جشس, «تايىنشا ءسۇتى» جشس, «پەتروپاۆل برويلەر فابريكاسى» كاسىپورىندارىنىڭ اۋىل بيزنەسىنە قوسقان قوماقتى ۇلەستەرى ايرىقشا اتالدى.
6 كاسىپورىن مەن 3 جەكە كاسىپكەر ءوز تاۋارلارىمەن ونىمدەرىن رەسپۋبليكالىق «التىن ساپا» بايقاۋ-جارمەڭكەسىنە ۇسىناتىن بولادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
