سپورت • 27 اقپان، 2020

كاسىپقوي بوكس: ناۋرىزدا كىمدەر جۇدىرىقتاسادى؟

646 رەتكورسەتىلدى

ناۋرىز ايىندا الەمنىڭ بىرقاتار مەملەكەتىندە كاسىپقوي بوكستان ءدۇبىرلى جارىستار وتەدى. سول باسەكەلەردە قازاقستاننىڭ مىنا بىلعارى قولعاپ شەبەرلەرى ونەر كورسەتەدى.

6 ناۋرىز. بىرىككەن اراب امىرلىكتەرىنىڭ دۋباي قالاسىندا «Rotunda Rumble 3» دەپ اتالاتىن كاسىپقوي بوكس كەشى وتەدى. ايتۋلى جارىستا قازاقستاننىڭ قوس بىلعارى قولعاپ شەبەرى ونەر كورسەتەدى. ەكىنشى جارتىلاي جەڭىل سالماق دارەجەسىندەگى نۇرتاس اجبەنوۆ فيليپپيندىك دجەي-ار ماگبۋمەن كۇش سىناسادى. اسا اۋىر سالماقتا جان كوسوبۋتسكي شارشى الاڭعا شىعادى. 12 كەزدەسۋىنىڭ بارلىعىن جەڭىسپەن اياقتاپ، 11 قارسىلاسىن نوكاۋتپەن ۇتقان جەرلەسىمىزدىڭ قارسىلاسى ءالى انىقتالعان جوق. 

12 ناۋرىز. كانادانىڭ مونرەال قالاسىندا ورتا سالماقتاعى سادريددين احمەدوۆ ايقاسادى. ول مەكسيكانىڭ مىقتى بوكسشىسى ماريو البەرتو لوزانومەن كۇش سىناسادى.  

13 ناۋرىز. اقش-تىڭ مايامي قالاسىندا قازاقستاننىڭ قوس وكىلى جارىس كورىگىن قىزدارادى. جارتىلاي جەڭىل سالماقتاعى مۇسا تۇرسىنعاليەۆ ارگەنتينالىق ەزەكۆيل البەرتو تەۆەزبەن جانە ءبىرىنشى اۋىر سالماقتاعى سەرىك ءمۇسادىلوۆ امەريكالىق كۆينتەللا تومسونمەن قولعاپ تۇيىستىرەدى.

13 ناۋرىز. اقش-تىڭ حينكلي قالاسىندا باقتيار ەيۋبوۆ رينگكە كوتەرىلەدى. ءبىرىنشى جارتىلاي ورتا سالماقتاعى وتانداسىمىزدىڭ قارسىلاسى ءالى انىقتالعان جوق. 

28 ناۋرىز. كانادانىڭ كۆەبەك قالاسىندا ورتا سالماقتاعى جانىبەك ءالىمحان ۇلى جۇدىرىقتاسادى. ونىڭ دا قارسىلاسى ازىرگە بەلگىسىز. 

سوڭعى جاڭالىقتار

ۇقساس جاڭالىقتار