قازاقستان • 27 اقپان، 2020

اتىراۋ وبلىسىندا بالىق ونەركاسىبى دامۋدا

41 رەتكورسەتىلدى

2019 جىلدىڭ ماۋسىم ايىندا اتىراۋ وبلىسىنا جۇمىس ساپارى بارىسىندا قر پرەزيدەنتى ق. توقاەۆ وڭىردە مۇناي-گاز سالاسىنان باسقا بالىق اۋلاۋدى دامىتۋ قاجەتتىگىن اتاپ ءوتتى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«جەرگىلىكتى ەكونوميكانىڭ مۇناي-گاز جانە مۇناي-حيميا كەشەندەرىنەن باسقا دا سالالارىن دامىتۋ قاجەت. ءوڭىردىڭ بالىق ونەركاسىبىن قالپىنا كەلتىرۋ جانە وسى سەكتورعا ينۆەستورلار تارتۋ كەرەك. قابىلدانعان شارالاردىڭ ناتيجە بەرمەي جاتقانىن كورىپ وتىرمىز. ءبىزدىڭ ازاماتتار ناقتى ىستەر كۇتەدى. اۋىل شارۋاشىلىعى مينيسترلىگى جانە اكىمدىك بۇل ماسەلەگە باسا نازار اۋدارۋى كەرەك»، — دەدى قاسىم-جومارت توقاەۆ اتىراۋ وبلىسىنىڭ جۇرتشىلىعىمەن كەزدەسۋدە.

بۇگىندە اتىراۋ وبلىسى تەك مۇناي استاناسى عانا ەمەس، سونداي-اق بالىق ونەركاسىبىنىڭ دامۋىمەن دە تانىمال.

قازىرگى تاڭدا وبلىستا بالىق اۋلاۋمەن جانە ونى وڭدەۋمەن ءار ءتۇرلى مەنشىك نىسانىنداعى 19 وندىرىستىك كاسىپورىن، 2 بەكىرە بالىق ءوسىرۋ زاۋىتى اينالىسادى.

2019 جىلى بالىق ەكسپورتى 8،9 مىڭ توننانى قۇرادى.

بەكىرە بالىقتارىنىڭ تابيعي ءوسىمى كولەمىنىڭ قىسقارۋىنا جانە كاسپي تەڭىزىنىڭ سولتۇستىك-شىعىس جاعالاۋىندا كومىرسۋتەك شيكىزاتىن ءوندىرۋدى قارقىنداتۋعا بايلانىستى ورال وزەنىنىڭ اتىراۋىندا وتەمدىك نىسان رەتىندە 1998 جىلى اتىراۋ بەكىرە بالىق ءوسىرۋ زاۋىتى سالىنىپ، پايدالانۋعا بەرىلدى.

كاسىپورىن قىزمەتىنىڭ ءمانى — جايىق وزەنىنە جاساندى تاسىلمەن الىنعان جانە وسىرىلگەن بەكىرە تۇقىمداس بالىق تۇرلەرىنىڭ شاباقتارىن شىعارۋ جولىمەن كاسپي تەڭىزى بەكىرە بالىق تۇرلەرىنىڭ قورلارىن تولىقتىرۋ. زاۋىت ديرەكتورى راشيدەن قاليدۋللين ايتىپ وتكەندەي، جىل سايىن زاۋىتتا 3،5 ملن دانا بەكىرە تۇقىمداس بالىقتاردىڭ شاباعى شىعارىلادى. نەگىزىنەن اقسەركە، بەكىرە، شيپ جانە شوقىر.

1998 جىلدان باستاپ 2019 جىلعا دەيىن ورال-كاسپي باسسەينىنە 89 ملرد دانادان استام بەكىرە تۇقىمداس بالىقتاردىڭ ومىرشەڭ شاباقتارى ءوسىرىلىپ، جىبەرىلدى. 

2

ء«بىز مەملەكەت باسشىسىنىڭ تاپسىرماسىن 100% ورىنداپ جاتىرمىز. بەكىرە تۇقىمداس بالىقتاردىڭ 3،5 ملن شاباعىن وندىرەمىز، تابيعات پايدالانۋشىلار ءۇشىن بەكىرە تۇقىمداس بالىقتىڭ 120 مىڭنان استام شاباعىن وندىرەمىز. زاۋىتتىڭ جۇمىسشىلارى تۋرالى ايتاتىن بولساق، بىزدە 78 ادام جۇمىس ىستەيدى. ولاردىڭ 60%-ى – بالىق شارۋاشىلىعىنىڭ ماماندارى»، — دەدى اتىراۋ بەكىرە بالىق ءوسىرۋ زاۋىتىنىڭ ديرەكتورى راشيدەن قاليدۋللين.

1934 جىلدان باستاپ بالىق ونىمدەرىن شىعارۋمەن «امانگەلدى اتىنداعى» جشس اينالىسادى. وسى جىلدار بويى كاسىپورىننىڭ نەگىزگى قاعيداسى — ەڭ جاقسى، ەكولوگيالىق تازا بالىق ونىمدەرىن شىعارۋ. تاۋلىگىنە مۇندا 395 توننا بالىق وڭدەلەدى. 2019 جىلى 1،1 مىڭ توننا مۇزداتىلعان بالىق، 225 توننا سۇيەگىنەن اجىراتىلعان بالىق ەتى جانە 50 توننا وڭدەلگەن بالىق ءوندىرىلدى. «امانگەلدى اتىنداعى» جشس ونىمدەرى قازاقستان، رەسەي، ۋكراينا جانە ازەربايجان، وزبەكستان جانە فرانتسيا، بولگاريا، گەرمانيا نارىقتارىندا ۇلكەن سۇرانىسقا يە.

بالىق اۋلاۋ سالاسىندا جۇمىس ىستەيتىن تاعى ءبىر كاسىپورىن — «سaspian Royal Fish» جشس بەكىرە بالىق ءوسىرۋ زاۋىتى. كاسىپورىن ءوز قىزمەتىن 2014 جىلى «Caspian Royal Fish» اتاۋىمەن باستادى. 2019 جىلى زاۋىت 12،5 توننا تاۋارلىق بالىق جانە 620 كگ تاعامدىق ۋىلدىرىعىن ءوندىردى. Caspian Royal Fish باس بالىق ءوسىرۋشىسى احات نيماتوۆ زاۋىتتىڭ جۇمىس كورسەتكىشتەرى مەن بولاشاققا جوسپارلارى تۋرالى ايتىپ بەردى.

سوڭعى جاڭالىقتار

ۇقساس جاڭالىقتار