ايماقتار • 27 اقپان، 2020

«سەرگەكتىڭ» جول تاسىمالداۋشىلارعا سالعان ايىپپ ۇلى زاڭسىز دەپ تانىلدى

501 رەتكورسەتىلدى

الماتى قالاسىنىڭ كاسىپكەرلەر پالاتاسىنا (بۇدان ءارى-پالاتا) جولاۋشىلار تاسىمالىمەن اينالىساتىن كاسىپكەرلەردەن ۇجىمدىق ءوتىنىش كەلىپ ءتۇستى. بارلىعى 7 كاسىپكەر جۇگىندى، ولارعا 160 مىڭ تەڭگەدەن استام سوماعا 21 ۇيعارىم جولدانعان، دەپ حابارلادى ءباسپاسوز قىزمەتى.

2019 جىلدىڭ قىركۇيەك ايىنان باستاپ اۆتوتاسىمالداۋشىلاردىڭ اتىنا قوعامدىق كولىككە ارنالعان جولداردا جۇرگەنى ءۇشىن ايىپپۇلدار كەلىپ تۇسە باستادى.

ايتا كەتۋ كەرەك، بارلىق كاسىپكەرلەردىڭ جولاۋشىلاردى تۇراقتى ەمەس تاسىمالداۋعا ليتسەنزيالارى بار.

تاسىمالداۋشىلار ۇسىنىلعان تالاپتارمەن كەلىسپەدى. الايدا ولار ەسەپ ايىرىسۋ شوتتارىن جابۋدان قورقىپ ايىپپۇل تولەۋگە ءماجبۇر بولعان.
كاسىپكەرلەر ۋاكىلەتتى مەملەكەتتىك ورگاندارعا كومەك سۇراپ جۇگىنگەن، بىراق ەش ناتيجە بولماعان. سونىمەن قاتار كاسىپكەرلەر اكىمشىلىك پوليتسيا بولىمىنە سۇراۋ جىبەرگەن، جىبەرىلگەن مەكەمەدەن ەكى جاۋاپ الىندى.

العاشقى جاۋاپتا «تىيىم سالىنعان كولىك قۇرالدارىنا ارنالعان جولداردا ... قوزعالىس بولمايدى جانە وسى جولدا باسقا كولىك قۇرالدارىنىڭ توقتاۋىنا بولمايدى» جانە «قوعامدىق جولدا جۇرۋگە رۇقساتتار مەن قۇجاتتار بەرۋ زاڭدا كوزدەلمەگەن» دەلىنگەن.

ناتيجەسىندە ەكى قاراما-قايشىلىقتى جاۋاپ پايدا بولدى. تاسىمالداۋشى اۆتوبۋستىڭ نومىرلەرى بازالارعا ەنگىزىلمەگەن جانە ايىپپۇلدار جويىلعان جوق.

ماسەلەنى زەردەلەي وتىرىپ، پالاتا ساراپشىلارى الماتى قالاسى اكىمشىلىك پوليتسيا باسقارماسىنىڭ ۇسىنعان تۇسىنىكتەمەلەرىمەن پەن كەلىپ تۇسكەن نۇسقامالاردى زاڭسىز، نەگىزسىز، بيزنەسكە اكىمشىلىك قىسىم كورسەتەتىن جانە اكىمشىلىك توسقاۋىل بولىپ تابىلادى دەپ سانايدى.

ماسەلە 2019 جىلدىڭ 19 جەلتوقساندا ۋاكىلەتتى مەملەكەتتىك ورگانداردىڭ قاتىسۋىمەن وتكەن الماتى قالاسى كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ كەزەكتى وتىرىسىنىڭ كۇن تارتىبىنە ەنگىزىلدى. ناتيجەسىندە ماسەلەنى شەشۋ ءۇشىن ۇسىنىستار قابىلداۋ كەرەكتىگى تۋرالى رەزوليۋتسيا قابىلداندى.
ايتا كەتۋ كەرەك، نۇر-سۇلتان قالاسىندا دا قوعامدىق كولىككە ارنالعان جولدار بار، ولاردى تۇراقتى ەمەس تاسىمالداۋشىلار زاڭدى تۇردە پايدالانا الادى. وسىعان وراي 21 قاڭتار كۇنى پالاتا الاڭىندا وسى ماسەلەنى شەشۋ ءۇشىن جۇمىس توبىنىڭ وتىرىسى ءوتتى، وندا ۋاكىلەتتى ورتالىق جانە اۋماقتىق مەملەكەتتىك ورگانداردىڭ وكىلدەرى بەينە بايلانىس ارقىلى بايلانىس ورناتىپ، تاجىريبەلەرىمەن ءبولىسىپ، قولدانىستاعى زاڭناما نورمالارىن ءتۇسىندىردى.

باس پروكۋراتۋرا مەن «اتامەكەن» ۇلتتىق كاسىپكەرلەر پالاتاسى اراسىنداعى 2020 جىلعا ارنالعان ىنتىماقتاستىقتى جۇزەگە اسىرۋ جونىندەگى جول كارتاسىن باسشىلىققا الا وتىرىپ جانە كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەس وتىرىسى حاتتاماسىنىڭ شەشىمىن ورىنداۋ ماقساتىندا، پالاتا الماتى قالاسىنىڭ پروكۋراتۋراسىنا ۋاكىلەتتى مەملەكەتتىك ورگانداردىڭ ءىس-ارەكەتتەرىن جان-جاقتى زەردەلەۋ بويىنشا جۇمىس جۇرگىزۋ جانە جاۋاپتى تۇلعالارعا قاتىستى شارالار قابىلداۋ تۋرالى وتىنىشپەن حات جولدادى.

پروكۋراتۋرا الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ اتىنا وسى ايىپپۇلدى تولەگەن كاسىپكەر (دميتري مارەمۋحا جەكە كاسىپكەر) مۇددەسىنە نارازىلىق بىلدىرگەن.

سوت پروكۋروردىڭ نارازىلىعىن تولىق قاناعاتتاندىردى جانە قىلمىس قۇرامىنىڭ بولماۋىنا بايلانىستى كاسىپكەرگە قاتىستى اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋ توقتاتىلدى.

سونداي-اق ءىىم اكىمشىلىك پوليتسيا كوميتەتى «اتامەكەن»  ۇكپ ساۋالىنا جاۋاپ رەتىندە: «ەگەر تاسىمالداۋشى اۆتوموبيل كولىگى سالاسىنداعى قولدانىستاعى زاڭناما تالاپتارىنا سايكەس كەلسە، ول مارشرۋتتىق كولىك قۇرالدارىنا ارنالعان جولاقپەن قوزعالىستى جۇزەگە اسىرۋعا قۇقىلى»، دەپ حابارلادى.

ناتيجەسىندە اۆتوتاسىمالداۋشىلارعا قاتىستى ايىپپۇلدار جويىلادى جانە ولارعا قوعامدىق كولىك ءۇشىن جولداردى پايدالانۋعا رۇقسات ەتىلەدى.

سوڭعى جاڭالىقتار

ۇقساس جاڭالىقتار