جاقىندا استانا قالاسىندا 2013-2022 جىلدارى مادەنيەتتەردىڭ جاقىنداسۋىنىڭ حالىقارالىق ونجىلدىعىن (مجحو) ۇلىقتاۋعا ارنالعان حالىقارالىق فورۋم وتەدى. بۇل تۋرالى يۋنەسكو جانە يسەسكو ىستەرى بويىنشا قر ۇلتتىق كوميسسياسىنىڭ حاتشىلىعى حابار تاراتتى.
جاقىندا استانا قالاسىندا 2013-2022 جىلدارى مادەنيەتتەردىڭ جاقىنداسۋىنىڭ حالىقارالىق ونجىلدىعىن (مجحو) ۇلىقتاۋعا ارنالعان حالىقارالىق فورۋم وتەدى. بۇل تۋرالى يۋنەسكو جانە يسەسكو ىستەرى بويىنشا قر ۇلتتىق كوميسسياسىنىڭ حاتشىلىعى حابار تاراتتى.
ءىس-شاراعا بەيبىتشىلىك جانە مادەنيەتتەر اراسىنداعى ديالوگ ماسەلەلەرى جونىندەگى يۋنەسكو-نىڭ جوعارى دەڭگەيلى توبىنىڭ قۇرامىنا ەنگەن بەلگىلى تۇلعالار مەن حالىقارالىق ۇيىمداردىڭ باسشىلارى, سونىمەن قاتار, الەمنىڭ 30-دان استام ەلىنىڭ ەتيكا مەن مادەنيەتارالىق كوممۋنيكاتسيالار, ءبىلىم جانە مادەني مۇرا جونىندەگى ساراپشىلارى قاتىسادى. فورۋمنىڭ نەگىزگى ماقساتى مادەنيەتتەر اراسىنداعى ديالوگتى ودان ءارى دامىتۋ ءۇشىن جاڭا جاھاندىق كۇن ءتارتىبىن بەلگىلەۋ جانە وسى ماڭىزدى شاراعا بايلانىستى ماسەلەلەردى تالقىلاۋ ءۇشىن حالىقارالىق ساياسي, اكادەميالىق جانە ىسكەر ورتالىقتاردىڭ وكىلدەرىن بىرىكتىرۋ بولىپ تابىلادى.
«فورۋم اياسىندا الاكول قورىعىنا يۋنەسكو بيوسفەرالىق رەزەرۆاتى مارتەبەسىن بەرۋ تۋرالى ارنايى ديپلومدى تاپسىرۋ سالتاناتتى ءراسىمى وتەدى. ايتا كەتەيىك, الاكول يۋنەسكو بيوسفەرالىق رەزەرۆاتىنىڭ بۇكىلالەمدىك جەلىسىنە ەنگەن ەكىنشى قازاقستاندىق قورىق. سونىمەن قاتار, فورۋم اياسىندا وليمپيادا چەمپيونى, بەلگىلى قازاق بوكسشىسى سەرىك ساپيەۆكە «سپورت بويىنشا يۋنەسكو-نىڭ ىزگى نيەت ەلشىسى» قۇرمەتتى اتاعى بەرىلەدى», دەپ اتاپ كورسەتىلگەن وسى اقپاراتتا.
ەلىمىزدىڭ باس قالاسىندا وتەتىن بۇل حالىقارالىق ءىس-شارالارعا ەل پارلامەنتىنىڭ دەپۋتاتتارى, يۋنەسكو جانە يسەسكو ىستەرى بويىنشا قازاقستان رەسپۋبليكاسى ۇلتتىق كوميسسياسىنىڭ مۇشەلەرى, ءبىرقاتار كورنەكتى عالىمدار مەن ەلىمىزدىڭ مادەنيەت جانە ونەر قايراتكەرلەرى قاتىسادى.
نياز جىلقىباەۆ.
