اتالعان ۇيىمدارمەن 42 مىڭ كەلىسىمشارتقا وتىرعان 6 مىڭنان اسا ازامات جۇگىنگەن. پوليتسيا ورگاندارى ولاردىڭ وتىنىشتەرى نەگىزىندە 22 قىلمىستىق ءىس بويىنشا سوتقا دەيىنگى تەرگەپ-تەكسەرۋدى باستادى. لومباردتاردىڭ 1 مەنەدجەرى مەن 12 فيليال ديرەكتورى جاۋاپكەرشىلىككە تارتىلۋدا.
تەرگەۋدىڭ وبەكتيۆتىلىگىن قامتاماسىز ەتۋ ءۇشىن پروتسەسسۋالدىق پروكۋرورلار بەكىتىلگەن.
الاياقتار ءوز ماقساتتارىنا جەتۋ ءۇشىن ءتۇرلى جارنامالاردى بەلسەندى تۇردە قولدانعانى, ولاردىڭ ىشىندە شوۋ-بيزنەس جۇلدىزدارى مەن تانىمال بلوگەرلەردى پايدالانعانى انىقتالدى.
سوتقا دەيىنگى تەرگەپ-تەكسەرۋ بارىسىندا جارناما جاساۋدى جۇزەگە اسىرعان جانە تاراتقان تۇلعالاردىڭ جاۋاپكەرشىلىگى قاراستىرىلىپ, ولاردىڭ ارەكەتتەرىنە قۇقىقتىق باعا بەرىلەتىن بولادى.
باس پروكۋراتۋرا ازاماتتارعا كىرىس كوزى دالەلدەنبەگەن قوماقتى قاراجاتقا قول جەتكىزۋ تۋرالى ۋادە ەتەتىن كۇماندى ۇيىمدارعا ءوز قاراجاتتارىن سەنىپ تاپسىرماۋعا شاقىرادى, دەپ حابارلادى باس پروكۋراتۋرانىڭ ءباسپاسوز قىزمەتى.
