ايماقتار • 27 اقپان، 2020

جۇرت تىلەگى نازارعا الىندى

42 رەتكورسەتىلدى

سوزاق اۋدانى قاراقۇر اۋىلىنىڭ اقساقالدارى مادەنيەت ءۇيىنىڭ سالىنعانىن، ال وتىرار اۋدانىنىڭ ورتالىعى شاۋىلدىردەگى كوپقاباتتى ۇيلەردە تۇراتىن 300-دەن استام وتباسى وتكەن عاسىردىڭ 70-80-جىلدارى پايدالانۋعا بەرىلگەن ينجەنەرلىك ينفراقۇرىلىمنىڭ توزۋى سالدارىنان ماردىمسىز بەرىلەتىن جىلۋ ماسەلەسىنىڭ شەشىمىن تاپقانىن قالايدى. ال تۇركىستان قالاسىنان «ادەبيەت الەمى» ورتالىعىن اشۋ قاجەت.

 

وسى سىندى ماسەلەلەر Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ تۇركىستان وبلىسىنا ءىسساپارى بارىسىندا تۇر­عىن­دارمەن كەزدەسۋىندە كوتەرىلدى. وتى­رارلىقتار ايتقان ماسەلەگە قاتىستى وبلىس اكىمى ومىرزاق شوكەەۆ جىلۋ قازاندىعىن سالۋعا، جۇيەلەردى جاڭالاۋعا بيۋدجەتتەن 700 ملن تەڭگە قارال­عا­نىن جەتكىزدى. ماسەلە جىل سو­ڭىنا دەيىن تولىعىمەن شە­شى­لەدى. نەگىزگى قازاندىقتىڭ قۇ­رى­لىسىنا قاراجات قارالعان. اۋىل تۇر­عىندارى كوتەرگەن ماسە­لەنى شەشۋ پارتيا باقىلاۋىنا الىندى.

ال «وتىرار» مۇراجايىندا ءوڭىر­­دىڭ زيالى قاۋىمىمەن كەزدە­سۋىندە ب.بايبەك ەلدە اتقا­رىلىپ جات­قان جۇمىستار مەن پارتيالىق تاپسىر­ما­لاردىڭ ورىندالۋ بارىسىن بايانداپ، ساياسي ۇيىمنىڭ الداعى جوسپارلارىمەن ءبولىستى.

پارتيا ەلىمىزدەگى وزەكتى ماسە­لەلەردىڭ اشىق ايتىلۋىنا ايتىس ونەرى ارقىلى سەپتىگىن تيگىزبەك. بۇل ورايدا بيىل ەلىمىزدە 70-تەن استام ايتىس پارتيا ۇيىمداس­تى­رۋىمەن وتكىزىلەدى. ء«بىز ايتىس ونەرىن قولداۋ ارقىلى ماسە­لە­­لەردى اشىق كوتەرەمىز. سول ءۇشىن ايتىسكەرلەردى قولدايمىز. جال­پى، ايتىس قازاقتىڭ كونەدەن كەلە جات­قان ءداستۇرى. سوندىقتان ونى قول­داۋ كەرەك»،  دەدى ب.بايبەك.

سونداي-اق تۇركىستان وبلىسى­نىڭ زيالى قاۋىم وكىلدەرىمەن كەزدەسۋدە كوپتى تولعاندىرىپ جۇرگەن ادەبيەت جايى، ەلدىڭ ىنتىماق-بىرلىگىن نىعايتۋ تارا­پىنداعى ۇسىنىس-پىكىرلەر ورتاعا سالىندى. مىسالى، حالىقارالىق «الاش» ادەبي سىيلىعىنىڭ لاۋرەاتى، جازۋشى مارحابات بايعۇت تۇر­كىس­تان قالاسىنان «ادەبيەت الەمى» ورتا­لىعىن اشۋدى ۇسىندى. بۇل جوبا جۇزە­گە اسسا، عيماراتسىز جۇرگەن جازۋشى­لار مەن جۋرناليستەر وداقتارىنىڭ في­ليالى سوندا ورنالاسىپ، جاڭا وبلىس ورتالىعىن قالىپتاستىرۋعا ىق­پال ەتەدى. ءتۇرلى ادەبيەت ۇيىر­مەلە­رى اشىلىپ، جاس ايتىسكەرلەر مەن جاز­با اقىندار، جازۋشىلار باس قوسا­تىن ونەر ورتالىعىنا اينالادى دەپ ەسەپ­تەيدى جازۋشى. سونىمەن قاتار باسقوسۋ بارىسىندا ءال-فارابي جانە اباي سىندى ويشىلدارىمىزدىڭ مەرەي­­تويلارىن تاعىلىمدى دەڭگەيدە وتكىزۋ جايى قوزعالدى.

تۇركىستان قالاسىندا بەلسەندى جاس­تارمەن كەزدەسىپ، بىرقاتار ما­سەلە­نى تالقىلاپ، پىكىر ال­ماس­قان  پار­تيا توراعاسىنىڭ ءبىرىن­شى ورىنباسا­رى ساپارىن جەتىساي اۋدانىندا جال­عاس­تىردى. اباي اۋىلدىق وكرۋ­گىندە­گى كەزدەسۋدە شارۋا قوجا­لىق­تارى­نىڭ توراعالارىمەن بىرگە اعىن سۋ، سۋب­سيديا ماسەلەلەرى تالقى­لان­دى. ال قا­زى­بەك بي اۋىلدىق وكرۋ­گىندە «قامقور­لىق» باعدار­لاماسى بويىنشا قولداۋ كور­سە­تىلەتىن جاعدايى تومەن وتباسى­لار­­مەن، جەتىساي قالاسىندا دەنساۋ­لىق ساقتاۋ سالاسىنىڭ قىزمەت­كەرلەرىمەن كەزدەستى.

ب.بايبەك وڭىرگە ەلباسى تاپسىرماسى بويىنشا الداعى بەس جىلعا اۋداندار­دى، قالالاردى جانە وب­لىس­­­تاردى دامىتۋدىڭ جاڭا باعدار­لاماسىن ازىرلەۋ ماق­سا­تىنداعى جۇمىس­تار اياسىندا كەلگەنىن ايتا كەتەلىك. اتالعان باعدارلامادا ءاربىر جەكەلەگەن ءوڭىردىڭ جەرگىلىكتى ەرەكشەلىكتەرى ەسكەرىلىپ، ازاماتتاردىڭ ناقتى قاجەت­تى­لىكتەرى كورىنىس تاباتىن بولادى. وسى جۇمىستاردىڭ اياسىندا Nur Otan پار­تياسىنىڭ باسشىلىعى ەلىمىزدىڭ بارلىق ءوڭىرىن، ءتىپتى شالعاي ەلدى مەكەن­دەرىنە دەيىن ارالاپ شىعۋدى كوزدەپ وتىر. تۇر­كىستان وبلىسىنا ساپارى بارىسىندا ب.بايبەك ءوڭىر تۇرعىندارى كوتەرگەن ماسە­لەلەردىڭ وڭ شەشىمىن تابۋى تىكەلەي پارتيا باقىلاۋىنا الى­ناتىندىعىن جەتكىزدى.

 

تۇركىستان وبلىسى

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار