الەم • 27 اقپان، 2020

كوروناۆيرۋس تاراعان ەلدەرگە بارماعان ابزال

676 رەتكورسەتىلدى

قىتايدان تارالعان كوروناۆيرۋس بۇگىندە 38 ەلگە تارالىپ، 80 مىڭنان استام ادامعا جۇقتى. قازىرگى كەزدە ىندەت ءورشىپ تۇرعان ەلدەردىڭ قاتارىندا قىتايدان بولەك وڭتۇستىك كورەيا، جاپونيا، يتاليا جانە يران قاتارلى مەملەكەتتەر بار. سوعان بايلانىستى ەلىمىزدە ساقتىق شارالارى جالعاسىپ جاتىر. كەشە قازاقستاننىڭ باس مەملەكەتتىك سانيتارلىق دارىگەرى جانداربەك بەكشيننىڭ قاۋلىسىمەن اۋرۋ اسقىنعان ەلدەردىڭ ءتىزىمى جاريالاندى.

پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا باس سانيتار قاۋىپتى ەلدەردەن كەلگەن ازاماتتار 1 ناۋرىزدان باستاپ ءۇي كارانتينىنە وقشاۋلاناتىنىن ايتتى. اتاپ ايتقاندا، قاۋىپتىلىگى جاعىنان ءبىرىنشى ساناتقا قىتاي حالىق رەسپۋبليكاسى (گون­كونگ، تايۆان، ماكاو)، وڭتۇستىك كو­رەيا، جاپونيا، يتاليا جانە يران قاتار­لى مەملەكەتتەر مەن ايماقتار ەنسە، سين­گا­پۋر، تايلاند، مالايزيا قاتارلى ەلدەر قاۋىپ­تىلىگى جاعىنان ەكىنشى ساناتقا جاتقىزى­لىپ وتىر. ال ءۇشىنشى ساناتتاعى ەلدەر – ۆەت­نام، گەرمانيا، اۋستراليا، اقش، ءباا، كانادا.

سونداي-اق قازاقستان وڭتۇستىك كورەيا مەن يرانعا اۋە رەيستەرىن ازايتاتىن بولادى. ء«بىز كەي ەلمەن اۋە قاتىناسىن ازايتاتىن بو­لامىز. ولاردىڭ اراسىندا، قاۋىپتىلىگى جا­عى­­نان ءبىرىنشى ساناتقا ەنگەن وڭتۇستىك كورەيا بار. بۇل ەلدە ءبىزدىڭ 34 مىڭ ازاماتى­مىز بار. ءبىز 1 ناۋرىزعا دەيىن بارلىق ازاما­تى­مىزعا ەلگە قايتىپ كەلۋگە مۇمكىندىك بەرە­مىز. ول ءۇشىن بۇل ەلگە اپتا سايىن 9 رەيس، ياع­ني 7 رەيس الماتىدان، 2 رەيس نۇر-سۇل­تان­­نان ۇشادى. ال 1 ناۋرىزدان كەيىن وڭ­تۇستىك كورەياعا اۋە تاسىمالى 3 رەيسكە دەيىن قىسقارادى. يران بويىنشا جاع­داي الدە­قايدا جەڭىل، سەبەبى وندا ءبىزدىڭ 170-كە جۋىق ازاماتىمىز بار. ولار 1 ناۋ­رىز­عا دە­يىن قايتىپ كەلۋى ءتيىس. سەبەبى، ودان كەيىن يران يسلام رەسپۋبليكاسىمەن اۋە قاتى­­ناسى توقتاتىلادى. ال جاپونيادا 180 قازاق­­ستان­دىق بار. جاپونياعا اپتاسىنا ەكى رەت رەيس ۇشادى. جولاۋشىلار اعىنى از بول­عان­دىق­تان، ازىرگە ەش قيىندىق جوق. تۇركيا، پاكىس­تان، ومان، اۋعانستان سىندى ەلدەر يران­مەن اۋە قاتىناسىن ۋاقىتشا شەكتەگەن ەدى. وزگە مەملەكەتتەر بويىنشا شەكتەۋ قويۋ ماسە­لەسىن قاراستىرىپ جاتىرمىز»، دەدى ج.بەكشين.

دۇنيەجۇزىلىك دەنساۋلىق ساقتاۋ ۇيى­مىنىڭ رەسمي سايتىندا كورونا­ۆيرۋسقا قاتىستى سوڭعى اقپاراتتى جاريالاپ وتىراتىن ارنايى بەت اشىلعان بولاتىن. سوڭعى جا­ريا­لان­عان اقپاراتقا سۇيەنسەك، الەمدە ىندەت جۇق­تىرعانداردىڭ سانى 80 980 ادامعا جەت­­كەن. ونىڭ ەڭ كوبى قىتايدا تىركەلگەن. ياع­ني 78 190 ادام كوروناۆيرۋس جۇق­تىرىپ، 2 718-ءى كوز جۇمعان. ال ىندەت وڭ­تۇس­تىك كورەيادا 1146 ادامعا جۇعىپ، 11 ادام قايتىس بولعان. يتا­ليا مەن يراندا دا جاعداي ءماز ەمەس. يتا­ليادا دەرتكە شالدىققان 322 ادامنىڭ 11-ءى باقيلىق بولسا، يراندا جۇقتىرعاندار سانى 95 ادامعا جەتىپ، ونىڭ 15-ءى كوز جۇمعان.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار