جىل سايىن ءداستۇرلى تۇردە تامىز ايىنىڭ ءۇشىنشى جەكسەنبىسىندە دەنە شىنىقتىرۋ قىزمەتكەرلەرىنىڭ كاسىبي مەرەكەسى – سپورت كۇنى اتاپ وتىلەدى. بيىل اتالمىش مەرەكە 17-18 تامىزدا مەرەكەلەنەدى. ەلوردادا سپورت مەرەكەسىنە ورايلاستىرىلعان بىرقاتار ءىس-شارا وتەدى, دەپ حابارلادى استانا قالاسىنىڭ تۋريزم, دەنە شىنىقتىرۋ جانە سپورت باسقارماسى.
جىل سايىن ءداستۇرلى تۇردە تامىز ايىنىڭ ءۇشىنشى جەكسەنبىسىندە دەنە شىنىقتىرۋ قىزمەتكەرلەرىنىڭ كاسىبي مەرەكەسى – سپورت كۇنى اتاپ وتىلەدى. بيىل اتالمىش مەرەكە 17-18 تامىزدا مەرەكەلەنەدى. ەلوردادا سپورت مەرەكەسىنە ورايلاستىرىلعان بىرقاتار ءىس-شارا وتەدى, دەپ حابارلادى استانا قالاسىنىڭ تۋريزم, دەنە شىنىقتىرۋ جانە سپورت باسقارماسى.
ءىس-شارالار جوسپارىنا سايكەس, اۋەلى 2001-2002 جىلدارى تۋعان بالالار اراسىندا جەڭىل اتلەتيكادان, ەستافەتا مەن فۋتبول جارىسى ۇيىمداستىرىلادى. سودان كەيىن شاحماتتان بليتس-تۋرنير, ۇستەل تەننيسىنەن, جاعاجاي ۆولەيبولىنان, شاعىن فۋتبول مەن ستريتبولدان جارىستار جانە «استانا ەكسپو-2017» ۆەلوجارىسى وتكىزىلەدى.
17 تامىزدا استانادا «ءومىر ەنەرگياسىنان قۋات ال!» فۋنكتسيونالدىق جاتتىعۋى, «بايتەرەك» مونۋمەنتىنىڭ الدىندا «استانا ەكسپو -2017» ۆەلوجارىسى وتەدى. سونىمەن بىرگە, 800 مەتر قاشىقتىققا جانە 2400 مەتر قاشىقتىققا «پرەزيدەنتتىك ميل» ءداستۇرلى جاپپاي بۇقارالىق جۇگىرۋ جارىستارى ۇيىمداستىرىلادى. سپورتشىلار اقمەشىت, قوناەۆ كوشەلەرى, كولىك جانە كوممۋنيكاتسيا مينيسترلىگىنىڭ الدىنداعى وتكەل مەن دوستىق كوشەسى ارقىلى وتەدى. مارە سىزىعى اقمەشىت كوشەسىندە ورنالاسقان. جارىس سوڭىندا جەڭىمپازداردى سالتاناتتى ماراپاتتاۋ ءراسىمى وتەدى.
سونىمەن قاتار, استانانىڭ كىشكەنتاي تۇرعىندارىنىڭ سپورتتىق دەمالىسىن ۇيىمداستىرۋعا ارنالعان بىرقاتار ءىس-شارالار جوسپارلانعان. سپورت كۇنىن اتاپ ءوتۋ اياسىندا جەتىم جانە اتا-اناسىنىڭ قامقورلىعىنسىز قالعان 50 بالاعا ارنالعان «اشىق ەسىك» كۇنى ۇيىمداستىرىلادى. بالالار ءۇشىن ۇستەل تەننيسىنەن جاتتىعۋلار مەن فۋتبولدان تۋرنير وتكىزىلەدى. بۇدان باسقا, تەگىن ترەناجەر زالى مەن باسسەين ۇسىنىلادى. سونداي-اق, اۋلا كلۋبتارىنا باراتىن جاسوسپىرىمدەر ءۇشىن شاعىن فۋتبولدان, جۇگىرۋدەن جارتاسقا ورمەلەۋدەن جارىستار ۇيىمداستىرىلىپ, «جىگەر» سپورت كلۋبى جاتتىقتىرۋشىلارىنىڭ شەبەرلىك سىنىپتارى وتەدى.
سپورتتىق ءىس-شارالار جاسوسپىرىمدەر اراسىنداعى بوكستان ماتچتىق كەزدەسۋلەرمەن, جەلكەندى سپورتتان, اكادەميالىق ەسۋدەن, بايداركا جانە كانوەمەن ەسۋدەن استانا قالاسىنىڭ اشىق بىرىنشىلىگىمەن اياقتالادى. بۇدان باسقا, وتاندىق سپورتتى دامىتۋدىڭ ماسەلەلەرى مەن پەرسپەكتيۆالارى تالقىلاناتىن دوڭگەلەك ۇستەل ۇيىمداستىرىلادى.
ج.سادۋاقاسوۆ.
