وسى كۇندەرى ماسكەۋدە جەڭىل اتلەتيكادان ءوتىپ جاتقان الەم چەمپيوناتىندا جيىرمادان استام مەدالدىڭ يەگەرلەرى انىقتالدى.
ءبىزدىڭ وكىنىشىمىزگە قاراي, قازاقستاندىق سپورتشىلار ءالى بىردە-ءبىر جۇلدە الا الماي وتىر. ال باسقا ەلدەردىڭ ۇكىلەپ قوسقان ۇمىتتەرى بىرىنەن سوڭ ءبىرى الەم چەمپيوناتى باستالعان ءتورت كۇننىڭ ىشىندە جوسپارلانعان 47 مەدال جيىنتىعىنىڭ تەڭ تارتىسىن ءوزارا تاراتىپ ۇلگەردى. سونىڭ ىشىندە جارىستىڭ ەكىنشى كۇنى يامايكالىق جەلاياق ۋسەين بولت 100 مەترگە جۇگىرۋدەن چەمپيون اتاندى.
وسى كۇندەرى ماسكەۋدە جەڭىل اتلەتيكادان ءوتىپ جاتقان الەم چەمپيوناتىندا جيىرمادان استام مەدالدىڭ يەگەرلەرى انىقتالدى.
ءبىزدىڭ وكىنىشىمىزگە قاراي, قازاقستاندىق سپورتشىلار ءالى بىردە-ءبىر جۇلدە الا الماي وتىر. ال باسقا ەلدەردىڭ ۇكىلەپ قوسقان ۇمىتتەرى بىرىنەن سوڭ ءبىرى الەم چەمپيوناتى باستالعان ءتورت كۇننىڭ ىشىندە جوسپارلانعان 47 مەدال جيىنتىعىنىڭ تەڭ تارتىسىن ءوزارا تاراتىپ ۇلگەردى. سونىڭ ىشىندە جارىستىڭ ەكىنشى كۇنى يامايكالىق جەلاياق ۋسەين بولت 100 مەترگە جۇگىرۋدەن چەمپيون اتاندى. ءسويتىپ, 100 مەترگە (9,58) جانە 200 مەترگە (19,19) جۇگىرۋدەن الەمدىك رەكوردتىڭ يەسى, التى دۇركىن الەم چەمپيونى ۋسەين بولت تاعى دا بۇكىل الەمدى تاڭداندىردى. ول «لۋجنيكي» ستاديونىندا ءوتىپ جاتقان جارىستا 100 مەتردى 9,77 سەكۋندتا جۇگىرىپ ءوتتى. وسى كۇنى ەكى كۇن بويى تولماعان ماسكەۋدەگى «لۋجنيكي» ستاديونى بولتتىڭ فينالعا شىعار ساتىندە لىق تولدى. بولت مارەگە ءبىرىنشى كەلگەن سوڭ, ءوزىنىڭ جەڭىستەن كەيىنگى نايزاعاي ءساتىن دە كورسەتتى. قازىر ونىڭ وسى ادەتى تالاي جانكۇيەرگە تانىمال دەسە بولادى. ەندى بولت ءۇشىن «لۋجنيكي» ستاديونىندا تاعى ءبىر سىن ساعاتى سوعادى. ول ءوزىنىڭ تالاي رەت چەمپيون بولعان 200 مەترلىك قاشىقتىققا جۇگىرۋدە سىنعا تۇسەدى. وسى سىننان سۇرىنبەي وتسە, قازىردىڭ وزىندە اتى اڭىزعا اينالىپ بارا جاتقان بولت الەمدى تاعى ءبىر تاڭداندىراتىنى ءسوزسىز. بولتتىڭ ايتۋىنشا, ول ءوز اتىن تاريحتا التىن ارىپپەن قالدىرىپ, پەلە, مارادونا سياقتى اتى اڭىزعا اينالعان ادامداردىڭ قاتارىنان كورىنگىسى كەلەدى. مۇنىمەن قوسا الەمدىك باسەكەدە جەڭىل اتلەتيكادا امەريكالىق دەۆيد وليۆەر, 400 مەترگە جارىسقان بريتانيالىق كريستين وحۋرۋوگۋ دا مىقتىلار قاتارىنان قالىسپايتىندارىن تاعى ءبىر رەت دالەلدەدى.
الەم چەمپيوناتىندا رەسەيلىك جەڭىل اتلەت ەكى دۇركىن وليمپيادا چەمپيونى (2004, 2008), لوندون وليمپياداسىنىڭ قولا جۇلدەگەرى ەلەنا يسيمباەۆا دا وتانداستارىنا ۇلكەن قۋانىش سىيلادى. ول 4 مەتر 82 سم-گە سەكىرىپ, ءۇش دۇركىن الەم چەمپيونى اتاندى. بۇل ەلەنانىڭ بۇرىننان بەرى ويلاپ كەلە جاتقان ماقساتى ەدى. بىلتىر ول سپورتتان ۋاقىتشا قول ءۇزىپ, بالا تۋىپ, بۇكىل ۋاقىتىمدى وتباسىما ارنايمىن دەگەندى ايتقانى ەسىمىزدە. ەلەنانىڭ سول ارمانى, ماقساتى بيىلعى الەم چەمپيوناتىندا ەشكىمنىڭ الدىندا ۇيالمايتىن جاعدايدا ورىندالىپ وتىر دەسە بولادى. جارىستا چەمپيون اتانعاندا اكەسى گادجي يسينباەۆتى دا كوزىمىز شالىپ قالدى. ۇلتى تاباساران, داعىستاننىڭ حيۋا اۋدانى, چۋۆەك اۋىلىندا تۋعان اكەسىنىڭ قىزىنىڭ قۋانىشىنا ەكى ەسە قۋانىپ جاتقانداي كورىندى.
ءبىزدىڭ جەڭىل اتلەت مارگاريتا مۇقاشەۆا 800 مەترگە جۇگىرۋدە جارتىلاي فينالعا وتە المادى. ول ءوز توبىندا 2 مينۋت 2,6 سەكۋند ناتيجەمەن 7 ورىنعا تابان تىرەدى. ال بۇل توپتا امەريكالىق برەند مارتينەز 800 مەتردى 1 مينۋت 59,39 سەكۋندتا جۇگىرىپ ءوتىپ, ۇزدىك ءناتيجە كورسەتتى. ايتا كەتەرلىگى, م.مۇقاشەۆا بيىلعى ۋنيۆەرسيادا ويىندارىندا 800 مەتردى 1 مينۋت 58,96 سەكۋندتا جۇگىرىپ وتكەن بولاتىن.
ازىرگە ءبىزدىڭ 17 سپورتشىمىزدىڭ تورتەۋى عانا جارىس جولىنا شىعىپ, ونەرلەرىن كورسەتتى. الەم چەمپيوناتىنىڭ العاشقى كۇندەرى مۇقاشەۆا سياقتى جۇلدە الادى دەپ ءۇمىت ارتقان كوپسايىسشىمىز دميتري كارپوۆ تا ءۇشىنشى باعدارلامادان كەيىن-اق جارىستان شىعىپ قالدى. ول ونسايىستىڭ ءبىرىنشى باعدارلاماسىندا 100 مەتردى 11,37 سەكۋندتا جۇگىرىپ ءوتىپ, مارەگە 30-ىنشى بولىپ جەتسە, ەكىنشى باعدارلاماسىندا ۇزىندىققا سەكىرۋدە 6,59 مەترگە سەكىرىپ, سوڭعى ورىننان ءبىر-اق شىقتى. وسىدان كەيىن عانا ول ازداپ بابىنا كەلىپ, يادرو لاقتىرۋدا 15,39 مەتر ناتيجەسىن كورسەتىپ, ەكىنشى ورىندى يەلەندى. دەگەنمەن, ونىڭ بۇل ءناتيجەسى جوعارى ورىنعا شىعۋعا كومەكتەسپەدى. ءسويتىپ, جالپى ەسەپتە ول 29-ورىنعا كوتەرىلدى. بۇدان كەيىن 20 شاقىرىمعا سوزىلعان ەرلەر اراسىنداعى سپورتتىق ءجۇرىس جارىسىندا ۆيتالي انيشكين 45-ورىننان كورىنسە, 1 ساعات 27 مينۋت 41 سەكۋندتىڭ ىشىندە ءجۇرىپ وتكەن گەورگي شەيكو مارەگە 36-ىنشى بولىپ جەتتى. سىرىقپەن سەكىرۋدە نيكيتا فيليپپوۆ الدىمەن ءبىرىنشى مۇمكىندىگىندە 5,25 مەترگە, ودان كەيىن 5,40 مەترگە دە سەكىردى. ال سوڭعى 5,55 مەتردى ول باعىندىرا المادى.
ەستەرىڭىزگە سالا كەتەيىك, جەڭىل اتلەتيكادان XIV الەم چەمپيوناتى ماسكەۋدەگى «لۋجنيكي» ستاديونىندا وتۋدە. 10 تامىزدا باستالعان جارىستار 18 تامىزدا اياقتالادى.
داستان كەنجالين,
«ەگەمەن قازاقستان».
–––––––––––––
سۋرەتتە: ەلەنا يسي
