ايماقتار • 26 اقپان، 2020

ۇلتتىق كىتاپحانادا التىن وردانىڭ 750 جىلدىعىنا ارنالعان دوڭگەلەك ۇستەل ءوتتى

40 رەتكورسەتىلدى

الماتىداعى ۇلتتىق كىتاپحانانىڭ ن.داۋلەتوۆا اتىنداعى زالىندا التىن وردانىڭ 750 جىلدىعىنا ارنالعان «التىن وردا مەملەكەتى – ۇلى دالا وركەنيەتى» اتتى دوڭگەلەك ۇستەل ءوتتى.

شارانى ۇلتتىق كىتاپحاناسىنىڭ عىلىمي حاتشىسى، قازاقستان جازۋشىلار وداعىنىڭ مۇشەسى جۇنىسبەكوۆ بولات جۇنىسبەك ۇلى اشىپ، ءسوز كەزەگىن مودەراتور – ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، ت.ع.د.، پروفەسسور زيابەك قابىلدينوۆكە بەردى. دوڭگەلەك ۇستەل اياسىندا ت.ع.د.، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى بەرەكەت كارىباەۆ، ت.ع.ك.، پروفەسسور داۋلەتحان الىمعازى، ت.ع.د.، پروفەسسور مامبەت قويگەلديەۆ، PhD دوكتورى جىگەر ءجانابىل ۇلى، ت.ع.ك.، ەرنار ۇشكەنوۆ، ت.ع.د.، پروفەسسور اسىلبەك يزبايروۆ، ە.ع.د.، پروفەسسور ابەن نۇرمانوۆ جانە تاعى باسقالار «التىن وردا مەملەكەتى – ۇلى دالا وركەنيەتى» اتتى تاقىرىبىندا ءسوز قوزعاپ، تاريحي دەرەكتەرگە توقتالدى.

شارا اياسىندا ۇلتتىق كىتاپحاناسى قورىنان «التىن وردا مەملەكەتى – ۇلى دالا وركەنيەتى» اتتى تۇراقتى كىتاپ كورمەسى ۇيىمداستىرىلدى. شاراعا بەلگىلى قوعام قايراتكەرلەرى مەن زيالى قاۋىم وكىلدەرى، تاريحشىلار مەن اقىن - جازۋشىلار، كىتاپحانا وقىرماندارى مەن قىزمەتكەرلەرى، الماتى قالاسى جوو-نىڭ ستۋدەنتتەرى جانە باق وكىلدەرى قاتىستى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار