ارداگەرلەر ءۇش التىن الدى. يتاليانىڭ تۋرين قالاسىندا ارداگەرلەر اراسىندا وتكەن العاشقى وليمپيادا ويىندارىندا قازاقستاندىق دزيۋدوشىلار جالپى كوماندالىق ەسەپتە ءبىرىنشى ورىن الدى.
ارداگەرلەر ءۇش التىن الدى. يتاليانىڭ تۋرين قالاسىندا ارداگەرلەر اراسىندا وتكەن العاشقى وليمپيادا ويىندارىندا قازاقستاندىق دزيۋدوشىلار جالپى كوماندالىق ەسەپتە ءبىرىنشى ورىن الدى.
قازاقستان قۇراماسى جەكەلەي سىندا 3 التىن مەن 1 قولا مەدالدار يەلەندى. وندا دزيۋدودان قازاقستان قۇراماسىنىڭ ساپىندا رۋسلان سەيىلحانوۆ, ەرجان ومارباەۆ پەن بولاتبەك جامانباەۆ چەمپيون اتاندى.
اقان دا العاشقى جۇلدەنى اكەلدى. بولگاريانىڭ سوفيا قالاسىندا جاسوسپىرىمدەر اراسىندا ءوتىپ جاتقان الەم چەمپيوناتىندا گرەك-ريم كۇرەسىنىڭ بالۋاندارى جارىستارىن اياقتادى.
سارسەنبى كۇنى گرەك-ريم كۇرەسىنىڭ چەمپيوندارى مەن جۇلدەگەرلەرى انىقتالدى. ءبىزدىڭ وتانداسىمىز اقان بايماعانبەتوۆ 55 كگ. سالماقتا قولا جۇلدەگەر اتاندى.
اقان بايماعانبەتوۆ 2010 جىلى سينگاپۋردە وتكەن جاسوسپىرىمدەر اراسىنداعى وليمپيادانىڭ دا قولا جۇلدەگەرى.
بۇگىن ازيا ويىندارى باستالادى. 16-26 تامىز كۇندەرى قىتايدىڭ نانكين قالاسىندا جاسوسپىرىمدەر اراسىندا ءىى ازيا ويىندارى وتەدى. بۇل سىنعا قازاقستاننان 139 سپورتشى قاتىسادى.
ازيادادا قازاقستاننان سۋعا سەكىرۋدەن ەكى, جۇزۋدەن توعىز سپورتشى كۇش سىناسادى. ال جەڭىل اتلەتيكادان ەل نامىسىن ون سپورتشى قورعايدى. بادمينتوننان (4), سەمسەرلەسۋدەن (6), گولف (2), دزيۋدو (6), اتۋ (10), ۇستەل تەننيسى (4), تەننيس (4), تاەكۆوندو (2) ت.ب. سپورت تۇرلەرىنەن دە سپورتشىلارىمىز اتتاندى. اۋىر اتلەتيكادان دا ون سپورتشى قاتىسادى. قول دوبى مەن رەگبيدەن دە جاسوسپىرىمدەر قۇراماسى باق سىناسادى.
«ەگەمەن-اقپارات».
