ۇستىمىزدەگى جىلدىڭ ءساۋىر ايىنىڭ 15-ىندە اقش-تىڭ بوستون قالاسىندا مارافون جارىسى كەزىندە ورىن العان جارىلىستىڭ جايىن تەكسەرۋشى قۇقىق قورعاۋ قىزمەتكەرلەرىنە كەدەرگى كەلتىردى, دەگەن ايىپ تاعىلىپ وتىرعان قازاقستاندىق قوس ستۋدەنت بۇرناعى كۇنى جۇرگىزىلگەن ءبىرىنشى سوت ماجىلىسىندە ءوز كىنالارىن مويىندارىنا العان جوق. بۇل تۋرالى يتار-تاسس حابارلادى.
اقش بيلىگى ايىپ تاعىپ وتىرعان قازاقستاننان بارعان ەكى ستۋدەنت – ازامات تاجاياقوۆ پەن دياس قادىرباەۆ, تەرگەۋدىڭ مالىمەتىنشە, بوستون تەراكتىسىنىڭ ايعاعى بولىپ تابىلاتىن زاتتاردى قۇرتىپ جىبەرىپ, وسى ارقىلى قۇقىق قورعاۋ ورگاندارى قىزمەتكەرلەرىنىڭ جۇمىستارىنا كەدەرگى كەلتىرمەك بولعان. وتكەن جەتىدە القابيلەر القاسى سوت قادىرباەۆ پەن تاجاياقوۆتى سوت قۇقىق قورعاۋعا كەدەرگى كەلتىردى دەگەن ايىپپەن جازاعا تارتا الادى, دەگەن قاۋلى قابىلدادى. تەرگەۋدىڭ مالىمەتى بويىنشا, 19 جاستاعى ەكى جىگىت دجوحار تسارناەۆتىڭ مەنشىگىندەگى پيروتەحنيكالىق زاتتار سالىنعان ريۋكزاكتان, سونداي-اق نوۋتبۋكتەن قۇتىلماق بولىپ, دالاعا لاقتىرىپ جىبەرگەن. ەگەر وسى ايىپتارى تولىق دالەلدەنەر بولسا, ولارعا 20 جىلعا دەيىن ق ۇلىپ استىندا وتىرۋ جازاسى كەسىلۋ قاۋپى ءتونىپ تۇر.
قازىر بوستوندا ازامات تاجاياقوۆتىڭ اكەسى مەن شەشەسى ءجۇر.
سۇلتان بوزايعىر.
