الماتى وبلىسىنداعى شارۋا قوجالىقتارىنىڭ بىرىنە شوپان بولىپ جالدانعان 35 جاسار ۇرى ءوزى جۇمىس جاساعان كىسى 11 ايدىڭ ىشىندە ءوز قوجايىنىنىڭ مالدارىن ۇرلاپ ساتقان الاياق استانادا ءتارتىپ ساقشىلارىنىڭ قولىنا ءتۇستى. بۇل تۋرالى Kazakhstan Today حابارلادى.
«ءوز قوجايىنىنىڭ سەنىمىنە ابدەن كىرىپ العاسىن, ۇرى باقتاشى جەكە بايۋ ماقساتىندا وتارداعى قويلاردى بىرتىندەپ ۇرلاپ, بازارعا شىعارىپ, ساتىپ كەلگەن. ءسويتىپ ءجۇرىپ, ءۇي سالۋعا اشقا جيناپ الادى. ءوزى مال باققان ارالىقتا ول 60 باس قويدى, 40 باس قوزىنى, 4 سيىر مەن 10 ەشكىنى قولدى ەتەدى. بۇلار ارقىلى كەلتىرگەن شىعىنى – 3 625 000 تەڭگە», دەلىنگەن وبلىستىق ىشكى ىستەر دەپارتامەنتى ءباسپاسوز قىزمەتىنىڭ پاراقشاسىندا.
وبلىستىق ىشكى ىستەر دەپارتامەنتىنەن سونداي-اق الاياق شوپاندى قۇقىق قورعاۋشىلاردىڭ ءبىر جىل بويى ىزدەستىرگەنى جەتكىزىلدى. ونى استانا جەلىلىك ىشكى ىستەر دەپارتامەنتىنىڭ قىزمەتكەرلەرى ۇستادى.
سۇلتان بوزايعىر.
