وڭىردە مەملەكەتتىك قىزمەت كورسەتۋ سالاسى سوڭعى ون شاقتى جىلدىڭ ىشىندە كۇردەلى رەفورماعا ءتۇسىپ, بۇرىن-سوڭدى بولماعان جاڭا سيپات, وزگەشە مازمۇنعا يە بولدى. ەڭ باستىسى, حالىققا قىزمەت كورسەتۋدىڭ ساپاسى ارتىپ, كوپتىڭ قولايىنا جاعا باستادى. مەملەكەتتىك ىستەر اگەنتتىگى وبلىستىق دەپارتامەنتىنىڭ باسشىسى اسحات ەسكەندىروۆتىڭ ايتۋىنشا, وتكەن جىلى وبلىستا كورسەتىلگەن 10,7 ميلليون مەملەكەتتىك قىزمەتتىڭ 11%-ءى قاعاز تۇرىندە, 82%-ءى ەلەكتروندى تۇردە جۇزەگە اسىرىلعان.
- ياعني, وتكەن جىلمەن سالىستىرعاندا, ەلەكتروندى قىزمەت كورسەتۋ دەڭگەيى ەكى ەسە ۇلعايىپ وتىر. جۇيەلى ءتۇسىندىرۋ, ناسيحاتتاۋ شارالارىنىڭ ناتيجەسىندە ەلەكتروندى قىزمەت تۇتىناتىن تۇرعىندار ۇلەسى دە ەسەلەنىپ كەلەدى. مۇنىڭ سىرتىندا, اقپان ايىنان باستاپ تۇرعىنداردىڭ «ەلەكتروندى ۇكىمەت» پورتالىن پايدالانۋ داعدىسىن قالىپتاستىرۋ ماقساتىندا ارنايى كۋرستار اشتىق. ءبىزدىڭ بۇل باستامامىز تىلدەردى دامىتۋ ورتالىقتارى تاراپىنان قولداۋ تاۋىپ, ولار وزدەرىنىڭ ينتەرنەتپەن قامتىلعان كومپيۋتەرلىك سىنىپتارىن ۇسىنىپ وتىر. ەندى وبلىس تۇرعىندارى ءوڭىردىڭ بارلىق اۋداندارى مەن قالالارىنداعى تىلدەردى دامىتۋ ورتالىقتارىندا اپتانىڭ ءار جۇماسى ساعات 15.00-دەن 18.00-گە دەيىن پورتالمەن قالاي جۇمىس ىستەۋدى ۇيرەنە الادى, - دەدى دەپارتامەنت باسشىسى.
قوستاناي
