رەسەيدىڭ پريمورە ولكەسىنىڭ بلوگوسفەراسىندا سۋ تاسقىنى ءجۇرىپ جاتقان كەزدە ءارتۇرلى فوندا سۋرەتكە ءتۇسىپ, فوتوسەسسيا جاساعان بەلگىلى بالەرينا اناستاسيا ۆولوچكوۆانىڭ قىلىعىن ايىپتاۋ جازىلدى. بۇل تۋرالى «يزۆەستيا» حابارلادى.
بلوگوسفەراداعى سىنعا قولما-قول جاۋاپ قايتارعان ءبيشى سۋ تاسقىنىنىڭ فونىندا سۋرەتكە ءتۇسۋ ارقىلى ءوزىنىڭ پروبلەماعا جۇرت نازارىن اۋدارۋدى كوزدەگەنىن مالىمدەدى. «ادامدار, قايىرىمدى بولىڭدار! مەن جۇرت نازارىن وسى اپاتقا اۋدارعىم كەلەدى. تەلەكتەن كورگەندە ونىڭ الىپ جاتقان اۋقىمىن شاماالي المايسىڭدار», دەپ جازىپتى ۆولوچكوۆا ءوزىنىڭ بلوگىنا.
بالەرينانىڭ امۋر وبلىسىنداعى فوتوسەسسياسى ۇلكەن سۋ تاسقىنى ءجۇرىپ جاتقان پريامۋرە عانا ەمەس, ءبيشى بۇدان ءارى ساپار شەكپەكشى بولىپ جاتقان پريمورە ولكەسىنىڭ بلوگەرلەرىنىڭ دە نارازىلىقتارىن تۋعىزىپ جاتقانعا ۇقسايدى.
ال اناستاسيا ۆولوچكوۆا ءوزىنىڭ ميكروبلوگىندا فوتوسەسسيانى سۋ تاسقىنىنان زارداپ شەگىپ جاتقان اۋدانداردا جاساپ, ءوزىنىڭ Instagram الەۋمەتتىك جەلىسىندەگى بەتكە سالىپ قويعانىن حابارلاپتى.
«ۆولوچكوۆا حانىم ۇشاقتىڭ تراپىنان ءتۇسىپ كەلە جاتقان بويدا قولىنا قايلا مەن كۇرەك ۇستاتىپ, وبلىستىڭ سولتۇستىك اۋداندارىنداعى توعان سالۋ جۇمىستارىنا جەگىپ قويۋ كەرەك ەدى», دەپ جازادى فوتوسەسسيانى پايدالانۋشى ۆلاديۆوستوك تۇرعىنى vladim.73. ءتۇسىپ جاتقان وسى مازمۇنداس حاتتار كوپ-اق
مۇرات ايتقوجا.
