بالالار حوككەيىنىڭ قازىرگى جاعدايى مەن دامۋ بولاشاعى تالقىلانعان باسقوسۋدا سەكتسيالاردىڭ ساپاسى, سونداي-اق جاتتىقتىرۋشىلار قۇرامىنىڭ بىلىكتىلىگىن ارتتىرۋ ماسەلەلەرى قوزعالدى.
قالالىق سپورت باسقارماسىنىڭ باسشىسى رۇستەم بايسەيىتوۆ «قازىرگى ۋاقىتتا الماتى قالاسىندا بالالاردىڭ بۇقارالىق سپورتىن دامىتۋ, ونىڭ ىشىندە مەكتەپ سەكتسيالارى مەن ۇيىرمەلەرىنىڭ تۇجىرىمداماسىنىڭ ازىرلەنىپ جاتقاندىعىن جەتكىزىپ, دايىن بولعاننان كەيىن جۇرتشىلىقپەن تالقىلانادى»,- دەپ اتاپ ءوتتى.
ءبىرىنشى كەزەكتەگى ماسەلە – بالالار سپورتىن دامىتۋ ەكەندىگىنە توقتالعان باسقارما باسشىسى كاسىبي حوككەيدى دامىتار الدىندا بالالار رەزەرۆىن قالىپتاستىرۋ قاجەتتىگىن, سونداي-اق بالالار سپورتى سالاسىنداعى شارالاردى كۇشەيتۋ سپورتتا جوعارى جەتىستىكتەرگە سەرپىن بەرەتىنىن اتاپ ءوتتى.
كەزدەسۋدە سونىمەن قاتار حوككەي كلۋبىنان شىعىپ قالعان ەكى حوككەيشىنىڭ جاتتىعۋلارىن جالعاستىراتىندىعى ءمالىم بولدى.
الماتى
