وڭتۇستىك قازاقستان وبلىسىنداعى ماقتاارال اۋدانىنداعى وقۋشىلاردىڭ جارتىسىنىڭ ساۋاتتارى وتە تومەن. مۇنداي تۇجىرىم «ساندج» رەسپۋبليكالىق ساراپتاۋ ورتالىعىنان ءتۇستى. بۇل اۋداننىڭ بالالارى ءبىلىم الۋدىڭ ورنىنا جۇمىس ىستەپ اقشا تابادى ەكەن.
مۇنى ۇستىنە, مەكتەپ وقۋشىلارىنىڭ كوبىسى ءتىپتى ەرەسەك ادامنىڭ وزىنە قيىن تۇسەتىن ماقتا جيناۋ ىسىمەن اينالىساتىن كورىنەدى. بۇل فاكتىنى مۇعالىمدەر دە راسقا شىعارىپ وتىر. وقىتۋشى گۇلدانا باراحاتوۆا سونداي وتباسىلاردىڭ ءبىرىن مىسالعا كەلتىردى. ونىڭ ايتىنشا, ول ءۇيدىڭ وتاعاسى مۇگەدەك بولعاسىن تابىس تابۋ مىندەتى بالالارىنىڭ مويىنىنا ارتىلعان. مەكتەپ جاسىنداعى بالالار ناپاقاسىن تابۋ ءۇشىن ەگىستىك الاڭدارىندا ەڭبەك ەتەدى دەيدى.
بالالار قۇقىعىن قورعاۋ جونىندەگى باسقارما باسشىسى عاليا ءجۇسىپوۆا بۇل جاعدايمەن ايىپپۇل ەنگىزۋ ارقىلى كۇرەسۋدى, ياعني بالالارىنىڭ ەڭبەگىن پايدالانعانى ءۇشىن ولاردىڭ اتا-انالارىنا اقشالاي ايىپپۇل سالۋدى ۇسىندى.
مامانداردىڭ مالىمەتتەرىنە سۇيەنىپ, بۇل ماسەلە ەلىمىزدىڭ وڭتۇستىگىندە وزەكتى بوپ تۇرعانىن اتاپ ايتقىمىز كەلەدى. ايتالىق, ءبىر عانا ماقتاارال اۋدانىنىڭ 5 اۋىلىندا بالالار اۋىر جۇمىسقا, ياعني ماقتا جيناۋعا جۇمىلدىرىلعان.
سۇلتان بوزايعىر.
