ايماقتار • 26 اقپان، 2020

ورتالىق مەملەكەتتىك ءارحيۆى مەن سۋرەتشىلەر وداعى ىنتىماقتاستىق كەلىسىمىن جاسادى

12 رەتكورسەتىلدى

الماتىداعى ورتالىق مەملەكەتتىك ءارحيۆى مەن سۋرەتشىلەر وداعى ءوزارا ىنتىماقتاستىق جونىندەگى مەموراندۋمعا قول قويدى.

«رۋحاني جاڭعىرۋ» مەن « ۇلى دالانىڭ جەتى قىرى» ماقالالارىن جانە ەل تاريحىن ودان ءارى زەرتتەۋ مەن مۇراعات سالاسىن كەشەندى دامىتۋ ماقساتىندا قۇرىلعان دوستىق كەلىسىمگە ورتالىق ارحيۆ ديرەكتورى ارنۇر قارىمساقوۆ پەن سۋرەتشىلەر وداعىنىڭ توراعاسى ومىربەك جۇبانيازوۆ ەكىجاقتى كەلىسىم بويىنشا بولاشاقتا بىرلەسىپ اتقارىلار ءىس-شارالاردى تالقىلادى. اتاپ ايتقاندا، قر ۇكىمەتىنىڭ «كەشەندى ءىس-شارالاردى بەكىتۋ» تۋرالى قاۋلىسىنا سايكەس 2020-2025 جىلدارعا ارنالعان «ارحيۆ 2025» باعدارلاماسىن ىسكە اسىرۋ بويىنشا ءىس-شارالار ۇيىمداستىرۋ، دوڭگەلەك ۇستەل، سەمينارلار جۇرگىزۋ، مادەني مۇرا سالاسىنداعى ەڭبەكتەرمەن ءوزارا الماسۋ سەكىلدى بىرنەشە ۇسىنىستار بەكىتىلدى. سونىمەن قاتار، سۋرەتشىلەر وداعى ارحيۆ قورىنا 154 كىتاپ وتكىزدى.

سونداي-اق، سۋرەتشىلەر وداعىنان كەلگەن قوناقتار ارحيۆ ىشىنە ەكسكۋرسيا جاسادى. بولاشاقتا ەكىجاقتى ىنتىماقتاستىق ەل مادەنيەتىنىڭ وركەندەۋىنە ۇلەسىن تيگىزەرىنە ءۇمىت مول.

 

الماتى

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار