ازاماتتاردىڭ مۇلكى مەن اقشالاي قاراجاتىن الۋ سحەماسى كەڭسەلەردى جايلاستىرۋ, قىزمەتكەرلەر شتاتىن جيناۋ جانە كاسىپورىنداردىڭ جالعان ديرەكتورلارىن تاعايىنداپ, وڭىرلىك وكىلدىكتەر اشۋ ارەكەتتەرىمەن قۇرىلعان. سالىمشىلاردىڭ كوپ سانىن تارتۋ ءۇشىن قازاقستاندىق ەسترادا جانە سپورت جۇلدىزدارىنىڭ قاتىسۋىمەن كەڭ جارنامالىق ناۋقان جۇرگىزگەن.
«Whats App» مەسسەندجەرىندە جشس باسشىلارى چات قۇرىپ, وعان بارلىق سالىمشىلار كىرگەن. اتالعان جشس ازاماتتاردان جىلجىمالى جانە جىلجىمايتىن م ۇلىكتى جوعارى قۇنى بويىنشا ءبولىپ-ءبولىپ ساتىپ العان, كەيىننەن 3-5 اي ىشىندە كليەنتتەرگە مامىلە سوماسىنىڭ ءبىر بولىگىن تولەدى, ال وسى ۋاقىتتا قابىلدانعان م ۇلىكتى ءۇشىنشى تۇلعالارعا نارىقتىق قۇنىنان تومەن ساتقان.
بۇدان باسقا, اتالعان كومپانيالار ءوز كليەنتتەرىنەن دەپوزيت رەتىندە اي سايىنعى سومادان 30-دان 40%-عا دەيىن سىياقى تولەۋگە ۋادە بەرە وتىرىپ, سالىمدار قابىلداعان. بارلىق اقشالاي قاراجات باس وفيسكە قۇيىلاتىن.
اعىمداعى جىلدىڭ 15 اقپانىندا سەرىكتەستىكتەردىڭ باسشىلارى ءوز قىزمەتىن ءبىر ۋاقىتتا توقتاتتى جانە ۇرلانعان اقشامەن بوي تاسالاعان. سول كۇنى ءار ايماقتارداعى ىشكى ىستەر ورگاندارىنا ازاماتتاردان شاعىم ءتۇسىپ, ءىىم تەرگەۋ دەپارتامەنتىنىڭ جانە ايماقتىق پوليتسيا دەپارتامەنتتەرىنىڭ قىزمەتكەرلەرىنەن جەدەل-تەرگەۋ توبى قۇرىلعان. بۇگىنگى كۇنى قىلمىستىق جاۋاپكەرشىلىككە تارتۋ تۋرالى 2 مىڭنان استام ءوتىنىش كەلىپ ءتۇستى. بۇكىل رەسپۋبليكا بويىنشا كومپانيا كەڭسەلەرىندە ءتىنتۋ جۇرگىزىلدى, بىرلەسكەن قىزمەت تۋرالى شارتتار, بۋحگالتەرلىك قۇجاتتاما, نوۋتبۋكتەر, ورگتەحنيكالار, زەرگەرلىك جانە باسقا دا بۇيىمدار الىندى. الىنعان قۇجاتتارعا قاراعاندا كومپانيالار 42 مىڭنان استام اداممەن شارت جاساسقان. الدىن الا دەرەكتەر بويىنشا كەلتىرىلگەن شىعىن مولشەرى 5 ميلليارد 411 ميلليون تەڭگەگە باعالانادى. اتالعان فاكتىلەر بويىنشا 190 (الاياقتىق) جانە 217-باپ (قارجى پيراميداسى) نەگىزىندە 22 قىلمىستىق ءىس تىركەلدى. 13 ادام قاماۋعا الىندى. قازىرگى كەزدە مەملەكەتارالىق ىزدەۋدەگى 9 كۇدىكتى انىقتالىپ وتىر.
الماتى
