وسى وپەراتسيا بارىسىندا اشكەرەلەنگەن بەس قىلمىس اقپارات جانە بايلانىس سالاسىمەن بايلانىستى. وندا 50 جاسار ازامات جاسىرىن جازاتىن اۋديو-ۆيدەو تەحنيكانى ساۋدالاعان. ودان فلەشكا سالاتىن ورىن مەن زارياد قۇرىلعىسى تاركىلەنگەن. سونداي-اق ەكى ازامات ينتەرنەت الاڭدا ەليتالىق پاتەردى جالعا بەرۋ جارناماسىن تاراتىپ, قولىمىز تيمەي جاتىر دەگەن جەلەۋمەن ەلەكتروندى اۋدارىم تالاپ ەتكەن. الماتى قالالىق پد قىلمىستىق پوليتسيا باسقارماسىنىڭ باسشىسى جانبولات زيادين قىلمىسكەرلەردىڭ تۇتىنۋشىلاردىڭ قارجىسىن وسىلاي الداپ يەمدەنىپ كەلگەنىن ايتىپ, بۇگىندە كوپتەگەن قىلمىستار ينتەرنەت ارقىلى جاسالاتىندىعىنا توقتالدى.
تاراپتاردىڭ ءبىرىن ءبىرى كورمەي ساۋدالاسۋى, باسقا دا مامىلەلەر جاساۋى, تانىمايتىن ازاماتتارعا بانك ەسەپ شوتتارىن, رەكۆيزيتتەرىن بەرۋ ارقىلى الاياقتىق جولمەن تابىس تاباتىنداردان ساق بولۋعا شاقىرعان پوليتسيا وكىلى جاقىندا ۇستالعان ايەل ادامنىڭ ينتەرنەت دۇكەننەن تاۋار الۋ بارىسىندا ساتۋشى الماق بولىپ, ساتۋشىدان كارتانىڭ مالىمەتتەرىن سۇراتقان. ساتۋشى ەش كۇدىكسىز مالىمەتتەرىن بەرە سالعان. سودان سوڭ كارتا مالىمەتتەرىن پايدالانا وتىرىپ كارتا يەسىنىڭ اتىنا ميكرونەسيە ۇيىمى ارقىلى نەسيە راسىمدەتكەن. كارتا يەسىنە ءىرى قاراجات تۇسكەن سوڭ حابارلاسىپ, اقشانى شاتاسىپ لاقتىرىپ جىبەردىم دەپ كيۆي ءاميان ارقىلى قايتارىپ بەرۋىن وتىنگەن. وسىلايشا ول ساتۋشىنىڭ موينىنا بىرنەشە جىلعا نەسيە ىلىنگەن. تاعى ءبىر الاياق VPN قۇرىلعىسى ارقىلى الەۋمەتتىك جەلىلەردە ءوزىن شاعىن نەسيە ۇيىمى قىزمەتكەرىمەن دەپ تانىستىرىپ, قورقىتۋ ارقىلى ايەل ادامنان قارجى تالاپ ەتكەن.
الماتى
