توكيو وليمپياداسى قارساڭىنداعى ايماقتىق ليتسەنزيالىق تۋرنير قىتايدىڭ سيان قالاسىندا ءوتۋى ءتيىس بولاتىن. الايدا, قىتايداعى كوروناۆيرۋستىڭ ورشۋىنە بايلانىستى كۇرەس باسەكەسى قىرعىزستاننىڭ بىشكەك قالاسىنا اۋىستىرىلدى.
ء«تۋرنيردىڭ باستالۋىنا ازعانتاي ۋاقىت قالعاندا وتەتىن ورىندى اۋىستىرۋ سپورتشىلارعا وڭاي سوقپاسى انىق. الايدا, ءبىز ءۇشىن اتلەتتەردىڭ دەنساۋلىعى ماڭىزدى. سول ءۇشىن ءبىز وسىنداي قادامعا بارىپ وتىرمىز. وسى ورايدا, دەرەۋ قولداۋ كورسەتكەن قىرعىزستان تاراپىنا العىسىمىز شەكسىز», - دەيدى UWW پرەزيدەنتى نەناد لالوۆيچ.
ليتسەنزيالىق جارىسقا قاتىساتىن قىتايلىق بالۋاندار بۇل كۇندەرى سەربيادا جاتتىعۋدا. ولار قىتايدان شىعار كەزدە ۇلكەن تەكسەرۋدەن ءوتىپ, سەربيادا دارىگەرلەر باقىلاۋىندا بولدى. بۇگىندە ولارعا جاتتىعۋ ءۇشىن بار جاعداي جاسالۋدا. كۇرەس تۇرلەرىنەن ازيا ايماقتىق ليتسەنزيالىق تۋرنير 2020 جىلدىڭ 27-29 ناۋرىزى ارالىعىندا بىشكەكتە وتەدى.
