ءماجىلىس توراعاسىنىڭ ايتۋىنشا, ەۋروپالىق وداق ءبىزدىڭ ەلىمىزدىڭ ستراتەگيالىق ارىپتەسى سانالادى. قازاقستاننىڭ تۇڭعىش پرەزيدەنتى, ەلباسى نۇرسۇلتان نازارباەۆتىڭ بريۋسسەلمەن ىنتىمقتاستىق ماسەلەسىنە ەرەكشە زور كوڭىل ءبولىپ كەلەدى. وسى سىرتقى ساياسي باعىت ۇستانىمدارىن قازىرگى ۋاقىتتا مەملەكەت باسشىسى قاسىم-جومارت توقاەۆ ودان ءارى جالعاستىرۋدا.
ن. نىعماتۋلين ىنتىماقتاستىق ورناعان 27 جىل ىشىندە ءوزارا ءىس-قيمىل بەلسەندى دامىپ كەلە جاتقانىن العا تارتا كەلىپ, 1 ناۋرىزدان باستاپ تولىقتاي كۇشىنە ەنەتىن كەڭەيتىلگەن ارىپتەستىك تۋرالى كەلىسىم قازاقستان مەن ەۋروپالىق وداق اراسىنداعى ەكىجاقتى قاتىناس تاريحىندا جاڭا كەزەڭ باستالعانىن بىلدىرەتىنىن جانە قازاقستاندىق-ەۋروپالىق بايلانىستىڭ بارلىق قىرلارى بويىنشا بايلانىستاردى نىعايتۋعا مۇمكىندىك بەرەتىنىن باسا اتاپ ءوتتى.
ءوز كەزەگىندە مارتۋشەللو قازاقستاندى ەۋروپا بويىنشا ستراتەگيالىق, ال, ورتالىق ازيا دەڭگەيىندە كوشباسشى ەل رەتىندە جوعارى باعالايتىنىن جەتكىزدى. قازاقستاننىڭ ادام قۇقىعىن قورعاۋ, العا ۇمىتىلۋ جولىنداعى باتىل قادامدارى قىزىعۋشىلىلىق تۋعىزاتىنىن ايتتى.
ءماجىلىس سپيكەرى ەۋروپالىق پارلامەنتتە العاش رەت قازاقستانمەن دوستىق توبى جۇمىس باستاعانىن العا تارتا وتىرىپ, ارىپتەس تاراپتىڭ پارلامەنتارالىق ديالوگتى نىعايتۋ نيەتتەرىنە قولداۋ ءبىلدىردى. ودان ءارى «قازاقستان رەسپۋبيكاسى – ەۋروپالىق وداق» پارلامەنتارالىق ىنتىماقتاستىق كوميتەتى, دوستىق توبى جانە پارتياارالىق ءىس-قيمىل اياسىندا ەتەنە بايلانىس ورناتۋ ماڭىزدىلىعىنا توقتالدى.
